El candidà presidente el vegnarà espreso dal Partito Nasional Veneto
(pì soto el comunicà in talian, ndr)
Venare 8 de xenaro se gà riunìo el Minor Consejo, el Consejo dei X e i coordinatori del PNV par ła prima riunion de coordinamento nasional del 2010 e pa far el ponto suła situasion połitica in previxion dełe prosime elesion regionałi.
Dała riunion a xe vegnùo fora come ke ła linea połitica perseguìa dal PNV ła se gapia dimostrà ancora na olta coerente e lungimirante, grasie al’individuasion de un percorso ciaro e ben definìo suła strada verso l’indipendensa.
Par cuel ke riguarda cualke proposta ricevùa da altre formasion venete, ła valutasion ła xe un mucio poxitiva, parké vien fora na cosapevołesa pì granda deła cauxa indipendentista. In particolar ła xe stada ciapada in considerasion ła proposta de aleansa eletoral ke xè rivada dal costituente Partito dei Veneti, prexentà tre dì fa, dopo el cołaso deła precedente esperiensa de Veneto Libertà.
El coordinamento nasional del PNV el gà decixo de dir de sì al’ipotexi de creasion de na lista unitaria col Partito dei Veneti, stabiłendo a propoxito alcuni ponti fermi:
- ła lista unitaria ła dovarà ciamarse PARTITO NASIONAL VENETO, in considerasion del fato ke łe xe sta xà catà su pì de 10.000 pre-firme eletorai co sta denominasion e ke no ghe xe le tenpo par nisiar na nova racolta;
- se gà dà mandato a na comision tecnica de profesionisti grafici e deła comunicasion par catar fora el sinboło eletoral deła lista unitaria;
- el candidà presidente deła lista unitaria el vegnarà indicà dal PNV, in oservansa del percorso da tenpo nisià atraverso łe elesion primarie, prima dełe volontà vegnùe fora da altri sogeti połitici e in rispeto deła volontà popolare emersa;
- se indica xà da deso che i candidati ała presidensa del Veneto i sarà, in ordene de priorità e in baxe ale sielte ke farà i stesi interesai inte i prosimi dì, Claudio Ghiotto, Gianluca Panto e Sabrina Tessari;
- el ponto programatico fondamentałe deła lista unitaria el xe ła richiesta ai eletori veneti de dar un mandato s-cieto ała lista unitaria pa indir un referendum pa l’indipendensa del Veneto, da tegnerse soto monitoragio e secondo łe norme del dirito internasional;
- se indica come inconpatibiłe co sto ponto programtico ła richiesta de altri inposibiłi obietivi połitici, fa l’autonomia, el statuto special, el federalixmo rento el stato tałian e vien pertanto vietà ai candidai de farsene promotori, anca a titoło personal e a puri fini tatici, pena l’alontanemento dała lista unitaria.
Xe stae donca examinà łe prosime faxi de organixasion e pianificasion deła prosima canpagna eletoral, ke ła xe drio ndar sol vivo.
El primo apuntamento pa łe riunion teritoriai el xe stà fisà marti prosimo 12 de xenaro ae 21, inte na sala del Good Devil Pub a Maserada sul Piave (TV), in via Trevisana 118
Padova, 9 de xenaro 2010
El Minor Consejo, el Consejo dei X, i coordinatori teritoriałi
del PNV (Partito Nasional Veneto)
—-
Coordinamento nazionale del PNV: sì ad alleanze con liste indipendentiste
Il candidato presidente sarà espresso dal Partito Nasional Veneto
Venerdì 8 gennaio si sono riuniti il Minor Consiglio, il Consiglio dei X e i coordinatori del PNV per la prima riunione di coordinamento nazionale del 2010 e per fare il punto sulla situazione politica in previsione delle prossime elezioni regionali.
Dalla riunione è emerso come la linea politica perseguita dal PNV si sia dimostrata ancora una volta coerente e lungimirante, grazie all’individuazione di un percorso chiaro e ben definito sulla strada dell’indipendenza veneta.
Per quanto riguarda alcune proposte ricevute da altre formazioni venete, la valutazione è molto positiva, poiché emerge una maggiore consapevolezza della causa indipendentista. In particolare è stata presa in considerazione la proposta di alleanza elettorale pervenuta dal costituente Partito dei Veneti, presentato tre giorni fa, dopo il collasso della precedente esperienza di Veneto Libertà.
Il coordinamento nazionale del PNV ha deciso di dire di sì all’ipotesi di creazione di una lista unitaria con il Partito dei Veneti, stabilendo a proposito alcuni punti fermi:
- la lista unitaria dovrà chiamarsi PARTITO NASIONAL VENETO, in considerazione del fatto che sono già state raccolte più di 10.000 pre-firme elettorali attorno a tale denominazione e che non c’è il tempo tecnico per iniziare una nuova raccolta;
- si è dato mandato a una commissione tecnica di professionisti grafici e della comunicazione di individuare il simbolo elettorale della lista unitaria;
- il candidato presidente della lista unitaria sarà indicato dal PNV, in osservanza di un percorso da tempo intrapreso attraverso le elezioni primarie, precedentemente alle volontà espresse da altri soggetti politici e in rispetto della volontà popolare emersa;
- si indica già fin d’ora che i candidati alla presidenza del Veneto saranno, in ordine di priorità e in base alle scelte che faranno gli stessi interessati nei prossimi giorni, Claudio Ghiotto, Gianluca Panto e Sabrina Tessari;
- il punto programmatico fondamentale della lista unitaria è la richiesta agli elettori veneti di dare un mandato esplicito alla lista unitaria per indire un referendum per l’indipendenza del Veneto, da tenersi sotto monitoraggio e secondo le norme del diritto internazionale;
- si indica come incompatibile con tale punto programmatico la richiesta di altri impossibili obiettivi politici, quali autonomia, statuto speciale, federalismo all’interno dello stato italiano e viene pertanto vietato ai candidati di farsene promotori, anche a titolo personale e a meri fini tattici, pena l’allontanamento dalla lista unitaria.
Sono state quindi esaminate le prossime fasi di organizzazione e pianificazione della prossima campagna elettorale che sta per entrare nel vivo.
Il primo appuntamento per le riunioni territoriali è stato fissato per martedì prossimo 12 gennaio alle ore 21, presso una sala del Good Devil Pub a Maserada sul Piave (TV), in via Trevisana 118.
Padova, 9 gennaio 2010
Il Minor Consiglio, il Consiglio dei X, i coordinatori territoriali
del PNV (Partito Nasional Veneto)
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
me par ciaro e linpido
Me par anca a mi un comunicato molto ciaro e che no da spaxio a incomprenxion……..
ahahaha mi lo ciamarea pitosto on proclama de teseramento 😀
Mirto ghe xe poco da ridare….
Indipendenza Veneta, la Liga comeniciniana ed il PNE sono con voi?
commento inconfondibie mirto…te si un marchio de fabrica!
Si. Confermo. Indipendenza Veneta/Liga e PNE i xe tuti co niantri
graxie a tuti…mi ve vojo ben veramente!
comunque Filippo non me risulta proprio che i sia co vialtri…;)
Tosi ve invito a vedare i sondaji…se fusimo unidi un risultato bon podemo farlo..man sul cor e no sora on simboleto 😉
eh?!
Filipo el ga scrito:
>
> Si. Confermo. Indipendenza Veneta/Liga e PNE i xe tuti co niantri
>
Ma se i xé co voaltri e a ‘l tenp medexemo el vostro ultimo punto el dixe:
> se indica come inconpatibiłe co sto ponto programtico
> ła richiesta de altri inposibiłi obietivi połitici, fa l’autonomia,
> el statuto special, el federalixmo rento el stato tałian…..
>
Come xé ke xé posibile k’ el PNV el stàga co Intesa Veneta, Comencini e conpagnia cantante?
filipo, cosa sito drio dire?
mi no capiso…e xe questa la roba che me fa incazzare…parchè nonostante la disponibilità de condivision del programa (referenudm independensa e del candidato presidente) vialtri ve impuntè a mantegnar el nome e simboeo…no capiso
Mirto, lo dixe el comunicato steso parchè: da otobre ghemo tacà a tirar su le firme su i moduli del PNV . Le butemo nel cesso 10.000 firme a 1 mese dal deposito in triunae?
Ma ve rendio conto che xe MESI che laoremo pa tor su firme?
E che ghemo dee primarie? E tuta na organisasion soto?
No xe mia automatico ritacare tuto da zero…considerando che voaltri sì rivai dopo oltretuto
In sto momento sentrifughi e sentripeti xè gualivi.Cogna parlarse on fià de pì e far puito.
la Liga comeniciniana non la xe certo con nialtri……. anca parchè non ghe saria mia mi………
se beco quei che scrive ste robe…
par nicio: semo rivai dopo?? ahahaha no credo proprio.
par Alessia: mi, sia ben chiaro, no critico mia e persone..se conosemo go stima ecc. ma critico sta sielta politega.
cioè ghe la posibilità de crear finalmente on partito unitario independentista..e stemo qua a vedar ci ga pi firme o casade del jenere??
Tuti ghemo fato on paso indirio..non solo vialtri gavè speso schei e tempo, anca i veneti ga investio sul so simbolo ecc ma par el ben de tuti ghemo deciso de aderire e rinunciarghe.
Se vialtri gavè veramente 10 mla firme benissimo..vorà dire che nele province dove ghe navì de pi, ghe sarà pi oemeni vostri e nialtri ghe li avaremo in quele dove no gavì firme..me par semplice…ma farse la guera in casa con do programmi stesi xe ridicolo…e se riscia de ciapar 1.2 e 1.6 e non far on caxo.
Cioè se riscia de aver do manifesti con scrito INDEPENDENSA uno firmado PdV e uno PNV…ve rendeo conto?
Mirto el tono dei comenti no invita certo a rispondarte…e no se confà al sito uficiae de un partito, comunque te rispondo o steso.
Te par che tor su 10mie firme, co mesi de laoro sia casade? E firme e xe nei modui del PNV, e no se poe de certo butarle via x ritacare col nome novo.
El primo congreso del PNV xe sta in maio 2008, invese voaltri gavì presentà do partiti nel giro de un mese, el primo nel 2009 e el secondo nel genaio 2010. Me pare che ghe semo da pi tenpo nialtri no? E semo ndai anca ae provinciai
Comunque mi no critico nesuno, ognuno xe libero de fare come chel voe, certo che el PNV va drito pai so obietivi, e st’altri va a destra e a sinistra a seconda de dove che tira el vento
beh se on partito ga strutura no ghe vole mesi par tirar su 10 mila firme.
Comunque sia me spiase ma a molti ghe sfusio el senso de quelo che ghemo fato. Nialtri no se semo inventadi on novo partio…lo emo mai costituio?? EMo creado na lista par radunar tuti gli independentisti lanciando el partito unico dei Veneti par el 25 April. Tutto qua. Vialtri non gavè aderio? Bon par vialtri, ma non podaè dir de aver tentà, dopo ani, de riunir i Veneti e far qualcosa de concreto oltre ciaccole e adexivi.
Ti forse no te ghe idea de cosa che vol dire, e del spreco de energie che serve x ndare in giro pai parcheji dei centri comerciai, e suplicare parche chei desgrasiai te fasa na firma…quanto laoro che ghe voe. Mi lo go fato, ma pa un toco no voio pi saverghine.
El 25 aprie e elesion sarà sa finie e desmentegae, intanto laoremo x quee, dopo se vedarà…el futuro no lo conose nesuno.
I partiti ”calieron” ga senpre abondà, ma nesun ga mai risolto gnente. A suon de conpromessi se costruisse soeo che stati come queo talian
Giacomo, ma se voi vi chiamate partito dei veneti siete a tutti gli effetti da considerare un partito, anche se non avete ancora fatto l’atto costitutivo. Potevate chiamarvi lista unitaria indipendentista, oppure lista per l’indipendenza del veneto, oppure movimento indipendentista veneto, oppure indipendentisti uniti per il veneto o mille altre. Vi siete chiamati partito dei veneti, avete un sito con quel nome, il sito del movimento veneti rimanda al partito dei veneti.
Mirto prima comincia a metterci la faccia in giro per il Veneto, vai a raccogliere 10 mila firme e poi vieni qui a parlare…solo allora avrai ragione per ora stai solo facendo manfrina politica di bassa lega democristiana…fatti, caro, ci vogliono fatti e schei…State sputtanando il movimento indipendentista con i vosti Valzer prima di qua, poi di là’. Prima avete fatto Veneto Libertà col signor Covi che è una “puttana politica” e con Comencini, uno che dichiaratamente ha bisogno di careghe e di soldi ( uno che non ha mai lavorato in vita sua di certo non comincia a 50 anni passati). Poi vi inventate Partito dei Veneti (nati da 4 giorni) e pretendete che noi come partito rinunciamo a simbolo e impegno per “venire sotto le vostre alette” Noi dovremmo mandare in vacca mesi di lavoro sulla raccolta firme perchè “siete alti, biondi e con gli occhi azzurri”. Ragazzi questo non vuol fare politica e ve lo dice uno che a 19 anni si rompeva il culo in piazza caldo e neveche fosse e non di certo dietro a una tastiera. Bene: allora cosa mettete sul piatto ? Ve lo dico io: poco. Volete riunire il venetismo per prendervene i meriti e per la sete di caregoti sperando che qualcuno cioè noi vi paghi campagne elettorali e vi raccolga le firme. E allora da parte mia ti ripeto: vieni a parlare qua quando avrai in tasca più di 10 mila firme. Solo allora potrai parlare.
Stemo sul piano politico. Tuti femo el ben del Veneto, chel gà de bixogno de xente che se inpegna pal so futuro. Naltri ghemo na vixion e na strategia. Catemo i ponti de incontro.
Tegnemo parò prexente che le risorse disponibili no le xe infinite, pertanto no se pol sprecar el lavoro xà fato, o almanco naltri no semo in grado de butar via el tuto e reinisiar da capo.
Pal resto se pol discutar su tuto in politica.
Ciao Mirto. Intanto me despiaxe ca te scrivi co on pseudonimo, no xe ca te magnemo se te meti el to nome.
Mi diria coesto, el pnv el ga dito de si a na aleansa par far sta inisiativa de unir i movimenti e partiti ca xe coerenti co el programa de independensa de el Veneto. Partimo da sto punto, ca el me pare fondamentale. E xe so sto punto ca semplicemente se ga far la valutasion.
I detaij tecnici specificà i xe stà motivà, e penso tanto basta. Stemo parlando de coestion tecniche ben precixe; Mirto, ti gheto esperiense in sti campi par esprimar judisi e oservasion?
A voria far notar ca el pnv el xe sempre stà verto a la partecipasion de esterni, e Albert Gardin el xe na demonstrasion de fati.
Alora la domanda ca deso vien fora la xe: come mai, on movimento ca el ga par statuto fini identici a coeli de el pnv, no el ga proposto on so candidà par le primarie, visto ca el podeva farlo e visto ca par statuto el dixe de voler far lobby rento i partiti?
El pnv el resta dognimodo verto a partecipar e eser partecipà, e lo demostra la decixion ciapà co sto comunicato, d’altra parte no se pol pensar ca i SOCI DEL PNV, ovèro TUTI I MEMBRI INSCRITI, no intenda metar dei punti fermi visto ca el pnv el xe stà el partito pì coerente e sensa sbandamenti fin da la so nasita. E coel ca se lexe dadrio a sto comunicato el xe ca la sbara de el timon la resta fisa so el ago de la busola ca el ponta drito so Independensa.
sinceramente mi volea scrivar mirto sora el nome..solo che se ga scrito mi e non rilezendo lo go riusado cosi (par evitar de seitar a cambiar nome).
Deto ciò mi son na persona libara e no capiso in che campi gavarea da aver esperiensa par esprimarme.
Come seconda oservasion, mi no credo che impor el proprio nome e simboeo a tuti sia on modo eficace par far una unione. Parchè el vostro nome va ben mentre el nostro o altri no?
Tuti quanto ghemo investio scheri e tempo sora el rispetivo simboeo non solo vialtri.
Se volemo vedar tuti i detaji alora el nome pi eficace forse se queo de Selmo co Stato Veneto, par far capire suito cio che volemo…ma no me pare che lu ne gabia imposto el suo par aderire..cosita tuti ji altri.
Da fora sembra che alcuni vostri menbri, non tuti fortunatamente, se crede pi bei o importanti de altri, nonostante nei fati se i lavora par el Veneto da do mesi lè za tanto.
Na dose de umiltà no sarea mi male par nesuni 😉
Nicio: “Ti forse no te ghe idea de cosa che vol dire, e del spreco de energie che serve x ndare in giro pai parcheji dei centri comerciai, e suplicare parche chei desgrasiai te fasa na firma…quanto laoro che ghe voe. Mi lo go fato, ma pa un toco no voio pi saverghine.”
Beh direa che dopo questa casca el palco. Vuto na medaja par aver catà su do firme in un centro comercial? Robe da mati. Sapi che te si in on partito politego e finchè non el gavarà 10.000 teseradi a ogni elesion te ciaparè carta e pena e te ghe vè..se te ghe tegne veramente se no cambia sport che xe mejo. ME fa ridare sta roba…quanti manifesti, scrite, bancheti eto fado?? robe da matti.
Podemo sarar sta discussion…o xè necessario scaenar el Principe ?! Ea domanda xe: el partito neonato dei Veneti cosa intende fare ? STOP
PArchè?? mi son un utente che pone domande lejitime..volè forse censurare??
El partito dei Veneti corarà con programa independetista col fine de on referendum par l’independensa.
La discusion resta senpre verta.
La xe verta anca ad esponenti de altri partiti che serca da naltri risposte politiche e le gavarà.
Bon me par on discorso sensato…mi torno a ripetere no go rancori o altro verso persone che reputo intelijenti, come Gianluca..ma son libaro de criticare scelte a me aviso sbajade del partito. tuto qua.
Ciao Giacomo, capiso ben che te le ritien sbaliade, no par gnente te gà n’altro tipo de militansa. A ogni modo le xe conseguensa de un quadro strategico che xe conposto dala consapevolesa dela nostra forsa (in senso asoluto, overo dala mixura che ghemo fato dela nostra capasità de otegner rixultati sula baxe dele risorse de cui disponemo), dal’exame dele nostre proposte politiche e de cuele pì visine ale nostre, dal’analixi dele altre proposte politiche concorenti e dal’incontro coe aspetative dei eletori veneti e dei spasi de manovra politica che ghe xe.
Come che te pol ben capir, sta valutasion la xe un mucio conplesa e susietibile anca de erori. Naltri no pretendemo de sicuro de ver na bacheta magica, ma savemo ben che gnanca la gà nisuni altri.
Se catemo un acordo semo tuti contenti, se no lo catemo e coremo in 1 o in 2 xe comuncue un gran bel rixultato e asolutamente no scandaloxo, ma simile a queo de tanti altri paexi europei ndoe le proposte indipendentiste le xe diverse e non unitarie. Se no corarà nisuna forsa indipendentista vorà dir che serve far altro lavoro.
A ogni modo dovemo resiprocamente esar contenti parché fin 3-4 àni fa gera inpensabile pensar a na simile vivasità politica del’area indipendentista veneta.
Questo non cambia nulla: cosa decidete di fare ? Decido di non decidere ? Me piaxe ! Questo xe molto intelligente ! Molto…
A mi coeo che me lasa na scianta perpleso l’è el fato che el PdV nato so spinta de el movimento I Veneti, che intel so statuto me par che’l diga che’l dovarìa esar trasversal ai partiti (e no fondarghine de novi), el sipia nato da pochi giorni dopo el dixastro (anuncià e prevedibile) de Veneto Libertà e che no’l gavia on fiatin de umiltà par capir che no’l pol mia pretendar de dar ultimatum e de, stando a le so condision, praticamente dirne de sioler on partito che no l’è “solo virtual” par niente (come i seita a dir luri).
Da parte del PNV a ghe xe masima apertura e, come che da dito Giane, se se catarà on acordo a sarò ben contento anca mi. Apertura sì, seppuku no
Sì, tra l’altro una cosa strana è che lo statuto de I VENETI all’art. 14 prevede addirittura incompatibilità con l’appartenenza a partiti politici: http://www.iveneti.org/independensa/index.php?option=com_content&task=view&id=25&Itemid=93.
Infatti a suo tempo Agnoletti e Busato se non sbaglio furono dichiarati illeggibili alle cariche interne solo perché avevano partecipato a riunioni di un comitato che mirava alla creazione di un partito politico indipendentista, il PNV appunto.
Vedo che oggi tale articolo non viene applicato ai molti dirigenti che partecipano al comitato per la costituzione del partito dei veneti.
Due pesi e due misure?
Ai nemici le leggi si applicano, per gli amici si interpretano. 😉
Vérxì i òci…
Mirto, scolta, mi gavevo fato na domanda, speto na resposta: Come mai el movimento IVeneti, se el gaveva intension de intrar inte la sena politega da partito, no el ga partecipà a le primarie de el pnv?
Mi a credo ca dopo ca te ga dà sta resposta te vegna naturali le resposte a serte oservasion ca te solevi e ca le xe on fià fora posto.
Parché vedito, sensa dubio a te si na persona libara (intei limiti stabilij da le legi itajane 🙂 ), ma coesto no te dà el credito de far oservasion tutologiche so coel ca xe i aspeti tecnici ca ghe xe dadrio al lavoro organizativo ca xe stà fato.
E el fato ca te demostri de no capir sto punto, el xe sintomatico e indicador ca le to oservasion le xe costruie so el paltan.
Scuxeme toxi pensé per el ben del nostro veneto, metì de banda le barufe e catà na solusion per andar tuti insieme. El prosimo treno el pasa fra sinque ani…
Ciao fioli, a volte ve lezo da l’estaro e a ste elesion vojo tornar a votar dopo tanto che no lo fazo.
A gero contento e orgojoso de votar finalmente da sielta degna del me popolo. Ma se ve presentè in do (co un programa e quasi idee compagne) mi votarò el candidà LN.
Me spiase, ma na volta che podevo votar el ben, me cato votar ncora par el meno pezo, visto l’iunica posibilità che ghemo de vedar un nostro rapresentante le xe deinitivamente morte se nde co do liste.
Unive feme el favor. Anca se ogniun ga i so boni motivi. Ma unive, i eletori no i lo pardonarà. IN modo particolar i indipendentisti no militanti.
Ciò… a vedo ke viste da de i posti forèsti le robe de caxa nostra le dà la medexema inpresion.
Dopo la fine de le primarie d’ el PNV e el distacamento de IVENETI da i autonomisti-federalisti-caregari anca mi me jèro convinto ke ghe sarîa stà la union tra i do…
E come de ti “letor e veneto medio”, anca mi me jèro dito ke jèra la volta bóna.
Come de ti anca mi stago lontan da la Patria, a 1000 Km da caxa, int’ un Stato forèsto… ma jèro pronto a partire in makina el sàbo, farme 1000 Km, ‘ndare votare la matina de la domenega a bon ora e rémeterme in strada par tornare indrio…
… Ma pìtòsto de venhere xò e votare par la LN, come ke te intendi fare ti, forse mi restarò indove ke me tróvo.
Pecà.
Noto che qui questi commenti si possono scrivere e leggere, altrove no. Nessuno si è chiesto perché?
Parché chì nisùni el ga timór de le opinión de la gente. 😉
Forse coalchedun no gà capio na roba.
In politega 1+1 2 .
L’unità no porta ala soma dei voti coando ti xè novo.
El PNV xè sta coerente, ga scomisia laorar incora sta istà, anca prima, e deso ga meso su na machina de na forsa devastante.
Rispeto ai veneti ghe xè on raporto 10:1 / 20:1 in sto momento de :forse,lobbi, firme, militanti, risorse economiche , iscriti, forumisti, potensiali voti etc …
Lori li xè inportanti , ma in sta fase storega li se gà na scianta disunio par via dele note visende . Se li vien drento ben, si no no canvia gnente, pal momento.
Se pi vanti li crese, mejio, se ghe ne riparla e viva la democrasia , ma deso gavì capio la difarensa de forse in canpo a ste elesion rejionali ?
Ca sti toxati li pesa el 0,2-0,3 % ? . Sperante de si.Ciao.
Voria dirghe a Andrea e Letore veneto medio, che el nostro programa xe na spana sora chealtri programi.
E no vedo el motivo per cui bisogna votare LN, soratuto in sto momento de fervore indipendentista.
Ve esorto quindi a fare chei 1000 km e tornare casa x votare el PNV, l’unico coerente e drito x l’indipendensa.
El resto xe tute monade pre eletorai, ovvero: ciacoe fondae ”sol paltan”
Tosi, scusate se non scrivo en Lengoa Véneta ma non sono véneto. Se posso permettermi, con queste discussioni-incomprensioni e divisioni, state continuando a fare un favore ai partiti itagliani, Lega Nord Itaglia in primis.
Unitevi sotto il segno dell’INDIPENDENZA della Venetia, chi non ci stà è fora!
Giane, nessùn contatto con gli jesolani del “Partito per il Veneto Indipendente”?
Grassie, at salùt