V O T A Z H I Ò N

Cuèi che i cjàcola de federaìsmo, i sa bèn che i ne contà ‘na bàla. Ánca à-e Rejòn che le cànpa de asistènzha ghe piàxe el federaìsmo. Figuràrse! Alòra vôl pròpio dìr che no cànbia gnènt, se nò lòri no i lo voràe. E badèn bèn: lòri no i se sbàlia!

Parchè no i ne à dìt che no saràe gnènt de màl, se un bràvo fiòl de-e nostre bànde el devènta mèstro, inpiegà in Comùn, càpostazhiòn, diretòr de-a Pòsta, generàl…- I pòsti bòni in ospedàl, cuestùran e jornàl i è prenotà pàr cuèi che vièn da fòra. Noàntri sé-ne pròpio mòne e bòni da gnènt?- Fìn adès ne à tocà de sentàrse da-a bànda del tòrt, parchè che-àltri pòsti i jèra bèl che ocupài.- ‘Ndèn mo a vardàr se, pàr caxo, in zhèrti Comùn se càta ùn, ùn sòl, inpiegà vèneto! Nò, no sè-o càta. E ricordènse che lòri no i sbàlia.

Fìn che no se sènte che la nostra zhènt la à da stàr in tè-a ‘Ministrazhiòn pùblica e fìn che tùt ghe spèta a forèsti, noàntri no podèn crèderghe a cuèi che i cjàcola de federaìsmo.

Anònimo Venezhiàn

If you liked my post, feel free to subscribe to my rss feeds