PLEBISCITO.EU | PNV. Press News Veneto

Ntel 1773 el parlamento britanego el ga inposto na tasa sul thè, al tenpo ła bevanda preferìa a cołasion dai cołoni mericani. A Boston i se gà rivoltà parké i gavéa el dirito costitusional de vegner tasà soło dai so eleti raprexentanti.

Pensève ke par poki centeximi de tasa i mericani par protesta i ga butà in acoa el cargo de thè de ben tre navi. Da sto Boston Tea Party xe partìa ła rivołusion mericana (e gnancora i beveva cafè ła matina!).

Sta setimana in Texas i ga organixà on tea party in protesta deła presion fiscałe dal governo de Washington. El Texas xe no stato rento on sistema federałe co tantisima autonomia. I decide l’IVA (ke xe al 6%), i legifera cuel ke i vol lori, ma sora de tuto, i ga on governator ełeto dała popołasion, invese ke nominà da inprexari de partito.

Sto mercore, 15 de Aprile, el governator texano Rick Perry el ga sotolineà ke prima del 1845 el Texas xera na republica indipendente. I ga acetà de nar far parte dei Stati Unìi a na condision: ke i gavéa el dirito de tornar indipendenti se i gavése decixo de farlo.

El governator Perry el gà parlà de fronte a diexene de mejari de texani ke i sigava: indipendensa. Ste svolte łe ghe xe soło se ła xente ła se fa sentir e se ga raprexentanti poitici ke no i xe puoti sotomesi a partitocrasie.

Se vardémo, ntel 1845 ai texani ghe convegneva nar rento i Stati Unìi par evitar na guera coi mesicani e vegner fagocità dal Mesico. Ancó nte n’era de paxe globałixasion, parfin no stato rento ła superpotensa mondiałe a se domanda ke interesi ke’l gà de star rento na union.

Beati lori ke i ga el corajo de far i citadini paroni deł proprio futuro, invese de esar suditi ke subise ła sorte inposta da capitałi lontane.

Lodovico Pizzati
Pnv