O pai mericani el General Lafayette, el xera l’eroe masimo de ła rivołusion mericana. Nato in te na fameja nobiłe de ła provincia francexe de Auvergne, co ke ga sentìo de ła cauxa mericana Lafayette el xe partìo pa’l novo mondo.
Data ła so influensa rento ła clase dirigente francexe, Lafayette el xe stà bon de asicurar aiuto finansiario e miłitare pai rivołusionari mericani contro l’inpero britanego. Xe stà na decixion individuałe, tolta sotobanco e contro ła neutrałità francexe (difati Luigi XVI lo ga meso soto aresti domiciliari pena ke xe tornà in Francia).
I storici deła rivołusion i riconose ke xe stà soło grasie a l’intervento miłitare francexe ke i mericani i xe stà boni de rivar a l’indipendensa. George Washington no ga fato altro ke scanpar e salvarse ła pełe par grosa parte de ła goera de indipendensa.
Washington xe apresà come generałe parké el xera consapevołe de ła so debołesa, e evitando de farse ciapar el ga tegnù viva ła rivołusion fin a l’arivo del suporto coordinà da Lafayette.
Xe stà Ben Franklin a racomandar a Washington de acetar l’esperiensa e l’influensa de Lafayette. Washington el ga acetà (no gavéa alternative), ma xe documentà ke ga prexentà el generałe francexe ałe so trupe co on certo inbaraso.
I francexi i xera i eterni rivałi pai anglosasoni (come on genovexe par on venesian) anca ntel novo mondo. Difati al tenpo Francia e Inghiltera i se contendeva el teritorio de l’Ohio (uficialmente soto ła Francia) e i gavéa conbatùo a sangoe fin poki ani prima.
George Washington steso, come uficiałe deła cołonia deła Virginia, el xera responsabiłe de ver copà on intiero plotone francexe durante na pacifega spedision de ricognision ntei teritori oltre i monti apalaki.
Secondo ła storiografia, Lafayette se gà prexentà ałe trupe mericane dixendo “A son ki par inparar, no par insegnar”. Ma anca se come foresto no’l gavéa on titoło, de facto ła so esperiensa profesionałe da miłitare francexe ło faxeva comandante.
Fata l’indipendensa e tornà in Francia, Lafayette ga sevità a cooperar co Thomas Jefferson par garantir raporti comerciałì fra Stati Unìi e Francia: nantro aiuto cruciałe dato ke ła neonata nasion no gavéa pì boni ligami co l’Inghiltera.
Mentre in Francia el xe stà perseguità dai Jacobins, in Usa el xe stà el primo a vegner conferìo ła citadinansa mericana onoraria. Lafayette Park xe el nome del parco de fronte ała Caxa Bianca; Lafayette College xe stà fondà in Pennsylvania ntel 1826; on monumento a Lafayette xe stà ereto a New York City; e na fraca de locałità i xe stà nominà in so onor:
Lafayette, Virginia; Lafayette, Alabama; Lafayette, California; Lafayette, Colorado; Lafayette, Georgia; Lafayette, Illinois; Lafayette, Indiana; Lafayette, Kentucky; Lafayette,, Luisiana; Lafayette, Minnesota; Lafayette, New York; Lafayette, Ohio; Lafayette, Oregon; Lafayette, Tennessee; Lafayette, Wisconsin; Lake Lafayette, Missouri; Mount Lafayette, New Hampshire.
http://en.wikipedia.org/wiki/Gilbert_du_Motier,_marquis_de_Lafayette
Lodovico Pizzati
Pnv
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
New blog post: Gilbert du Motier, marquis de Lafayette http://bit.ly/nSLPp
Be-i-si-mo 🙂
re: divided we fall
bravo lodovico, tre hurrà!
ricordemose ke la serenesima grandesa, la forsa vera ke costruise e mantien na nasion vera (no na colonia savoiarda), xe koesta apertura e sagesa.
e come ke disea un altro padre fondator ‘merikan:
“united we stand, divided we fall” – b. franklin
on fià de veneta colaborasiòn, toxi e toxe!
viva san marco e viva gilbert du motier…
Splendida citasion, a cui me asocio intel farte on Hurrà!
Lexendo sto paso de el to articolo:
“Secondo ła storiografia, Lafayette se gà prexentà ałe trupe mericane dixendo “A son ki par inparar, no par insegnar”. Ma anca se come foresto no’l gavéa on titoło, de facto ła so esperiensa profesionałe da miłitare francexe ło faxeva comandante.”
a me vien na domanda: Lafayette podereselo eser considerà fà lo xe stà el sub-comandante Marcos?
sub-comandante Marcos? Diria propi de no.
Lafayette no scondeva la so identità, no xera comunista, e no xera merican (invese Marcos el xe mesican).
Pitosto ghe xe altri leader rivolusionari ke i xera foresti, tipo Che Guevara.
Ma Lafayette xera tanto pì inportante pai mericani, parkè ga garantio on suporto internasional, in sto caxo francexe.
Marcos xè on profesor de economia mesicano originario de Cità del Mexico, autoctono esportà in Chiapas.
Lafayette on francexe prestà ai rivolusionari ingrexi de la colonia ‘mericana.
Marcos xè stà on stratega mediatico moderno, bon de atirare l’atension e aiuto internasionae con tante parate, vecia retorica, foto e interviste e, a conti fati, poca violensa.
Lafayette, da abile diplomatico, come ke dixe la citasion del Lodovico koa de sora, ” el xe stà bon de asicurar aiuto finansiario e miłitare pai rivołusionari mericani contro l’inpero britanego.”
Par liberarse dei colonisatori ghe vol tante koalità…
tra koeste no solo corajo, abilità e inteigensa, ma anka la forsa de volare sora le iritasiòn personai par mantegnerse consentrà sul vero obietivo comùn: INDIPENDENSA.
(xè senplice, xè legale)
Anca Garibaldi, se no me sbalìo, el gaveva verto un contato co i mericani in rivolusion (o lori co lu, a no me recordo… forse a ze sta lori, forse i sercava chi che podese darghe na man a far la goera)… solo che Garibaldi el gaveva dimandà masa, no el ze sta umile come Lafayete (se ze vèro che el gaveva dito che el zéra la par inparare).
Garibaldi, forte de le so mision in volta par el mondo, el ga fato masa el “cafon” (lo cìamarisimo cusì parlandoghene in Vèneto) e el ga dimandà un posto de prestijo (se no me sbalio el voleva subito far el Generale) e robe del jenere e finalmente no la ze ‘ndà in porto.
Insoma, come dire, va bèn tuto, ma se ti vien cuà (se ze diti i mericani) e no ti ga respeto de noaltri o te fe el “so tuto mi” e el “voio tuto mi”, a ze meio de perdarte che guadagnarte.
Pecà, forse a zéra na maniera in pì par “perdar” Garibaldi par la strada 🙂 🙂 🙂
Eh eh quanto era magro, Lafayette! In questo non ci somigliamo! Speriamo che non arrivi un William Blake anche per me (Lafayette, you are bought and sold…)
Scherzi a parte, la Venetia ha bisogno di tutti, non solo di veneti originari. Ciò detto, auspico che una volta libera tutti i suoi governanti siano veneti! Io mi ritirerò a Moneglia, a combattere per il MIL (se sarò ancora vivo). A me interessa la realizzazione di un’idea, non i benefici materiali che possono derivare dall’averla sostenuta con bontà — credo — di argomenti. W San Marco, e W San Giorgio!! Ma soprattutto W la libertà!
Ma quel Lafayette, xe par caso quel francese che apariva sol film de Mel Gibson The patriot?
Par Paolo Bernadini propongo citadinansa onoaria veneta e (xe a Genova va ben) la carica di ambasciator ligure in Veneto. W la Serenissima e W la Superba!