PLEBISCITO.EU | PNV. Press News Veneto

Fìn 3 àni fà l’interno de sto màgma de autonomisti, federalisti, se gà sercà de sdoganàr on termino, na paroleta : Indipandensa.Xe nasesto fìn on partìto politego el PNV (Partito Nasional Veneto).

Chel ca no se capìse, invese, a xè parchè ghe sìpia ncòra l’interno de moviminti Venetìsti, na sòrta de inibitòr suportàr el 100% l’Indipandentìxmo. A ne pàr ca rento sto màgma Venetìsta ghe sìpia na volontà anti-indipandentìsta. Se ghe ne pàrla, ma no ghe xé convinsiòn. Ansi, par ca ghe sìpia na volontà sabotatòra de ògni fòrma de Indipandentìxmo.

Parlàr de Indipandnesa a vol dìr dàrghe on tàjo nèto a ògni fòrma de diàlogo co el discòrso itàlia. Indipandensa vol dìr la negasiòn del el podèr de el stàto italiàn sòra on determinà teritòrio. Vardè ca el discòrso el xè on vèro e forse l’ònego tabù ca : ministero de l’interno, caranba, e politeghi no asèta. Parlar de Indipandensa, vol dìr cavarghe el mondo de privileji da sòto i pìe ca gà sti aparàti. Vardè ca l’Indipandentìxmo el xè el nemìgo pi gràndo insième l’anarchìxmo, ca pòsa ver on stàto. L’Indipandentixmo Vèneto el xè la negasiòn de la sovranità italiàna. Xè naturàl ca ghe vègna tirà drìo tùte le àrme posìbili contro i promotòri de l’Indipandentìxmo.

Dixemolo sensa sensùre : caranba, sismi, politeghi, li xè drìo fàr de tùto pa silensiàr el camìno legàl vèrso l’Indipandensa. E ricordève ca la tècnega ca ga senpre doparà carànba e bànda, la xè : anonemà da drìo le cointe e contròlo silensiòxo ca gà efèto ma no se nòta. Tùto ga da pasàr fa “naturàl”. I omisìdi, suisìdi o insidenti de parsòne scòmode, li fà pàrte de sta tatega, la màfia altro no xèra ca el bràso destro dei caranba pa controlàr l’Indipandentixmo Sìculo e dòpo el parìcolo comunìsta. In tèrmeni pràteghi, nel nostro càxo, a vol dìr dirotàr i moviminti Venetìsti vèrso altri obietìvi e eliminàr ògni supòrto a chi ca proclàma la lòta Indipandentista legàl. El teròr de la italia el xè la nàsita e crèsita de on movimento ca dopàra mètodi legàl pa rivàr l’Indipandensa.

El PNV el xè on de sti movimìnti e xè deventà ànca partìto politego. El nemìgo nòmaro òn dela italia el xè el PNV. El xè on invaxòr da l’nterno. Xè stralèsito imajinàr ca la mancànsa de supòrto ca i movimenti venetìsti li xè drìo atuàr, la xè la consegoensa de : infiltrasiòn de ajenti l’interno dei grùpi ca li xè drìo suportàr altre lòte ca in comùn fra de lòre le gà tùto fòra ca l’Indipandensa. Vien racoaxi da pensàr ca i partìti politeghi li sìpia drìo finansiàr sti movimìnti in cànvio del silensio o mancansa de supòrto a l’Indipandentixmo. Vien da pensàr ca el ministero de l’interno el gàbia infiltrà elementi goida rento sti grùpi al fìn de propòr na lòta rento el resìnto de l’italianità (autonomia, federalixmo). Vardè ca pa l’italia va ben finansiàr e sponsorixàr ànca on movimento Indipandentista armà, parchè el xè on “nemìgo” ùtile; el parméte de criminalixàr l’Indipandentixmo e fàr del vitimixmo italiàn. Ve ricordèlo co i ani 70 vegnea fòra le scrìte “vìa i teròni”? Li ga criminalixà i Vèneti e vitimixà i italiana racomndà ca rivàva comandàr.

In concluxiòn, ghemo la sensasiòn ca ròma la sìpia drìo pilotàr i movimìnti Venetìsti, dèla sèrie : fè tùto chel ca volì, ma a xè proibìo creàr na fòrsa politega ca la propòn on proseso de Indipandentixmo legàl. Vardè ca a xè legàl rivàr l’Indipandensa, èco parchè ròma e i so sèrvi li ga el teròr. No ghe fà paura i musulmàni, i albanìxi, la lega, i evaxòri, la màfia, no; chi ca ghe fà paùra, a xè chi ca propòn na lòta inarestàbile co tùti i carìxmi de la legalità internasionàl e italiana.

A xè el PNV e tùti i partìti ca propon fà obietìvo dirèto l’Indipandensa.

tiateteteghe