PLEBISCITO.EU | PNV. Press News Veneto

Sa a ghe fùse pì de òn partìto Indipandentista a podarìa dìr ca se ga da sernìr, ànsi, sa a fùsimo Indipandenti, a dirìa ànca de no ndàr votàr. Ma par la prìma òlta inte la stòria de la dominasiòn italiana de la Venèsia, a nàse el prìmo partìto Indipandentista ca el propòn apunto la Indipandensa. Figurève pò, ca se tràta de na lòta politega legàl e riconosesta dal dirìto del stato italiàn dominante e dela comunetà internasionàl. Deventa on òbligo moràl suportàr el PNV, parchè el xé l’ònego partìto so la sèna politega, l’ònego ca el propòn l’autogoerno e l’otegnimento de la libartà sensa mèxi tèrmeni. L’Indipandensa no la se mète in discusiòn co parolete fumòjene fa autonomìa, federalixmo fiscàl, federalìxmo, statuto autonomo. La libartà da la dominasiòn italiàna no la vien metesta in discusiòn pa la prìma òlta. Invìdia o no invìdia a xé on inperatìvo jutàr el PNV. No se tràta de sernìr on partito politego, se tràta de lotàr pa la nòstra Libartà, la nostra Indipandensa.