PLEBISCITO.EU | PNV. Press News Veneto

Fèmo i cònti de la sèrva pa capìr fìn ndo ca la itàlia la ne ciàva el nòstro suòr. Fèmo l’exènpio de Joàni, on marangòn ca laòra sòto paròn e ogni méxe el se càta in bùsta pàga 1200 èuri.

Cosa ghe tìgnilo el paròn? Cosa gavarìselo da dàrghe sa no ghe fùse la itàlia?

Inps, irpeg…tùta na sèrie de òxe pa ciavàrghe schèi, li te scùrta el to stipendio de 2000 euri! Xèlo ciàro? El nostro Joanìn invése de 1200 èuri el portarìa càxa 3200 euri (trimìladoxénto).

Dèso tachemo capìr parchè el stàto tajàn el dèlega i paròni trategnerghe i schèi da dàrghe i oparài. Sa savìsimo còsa ne ròba la itàlia, a spuarìsimo tùti sòra chela bandièra lùrida de privileji, àltro ca mètarla fòra da la teràsa. E no la xè mìa finìa.

Vignimo da nòvo al nostro Joanìn. El va càxa co 1200 euri e sol tròdo de càxa, el se pàra fàr la spéxa e el spende i prìni 100 èuri. De sti 100 èuri, 20 euri li xè de Iva ca se la ciucia sènpre la italia. Joanìn el rìva càxa e el càta le bolète, telèfono, gàs, lùse, àcoa. Sò tùte ghe tòca pagàr el 20% de Iva a la italia. Dòpo ghe xè le spéxe de asicurasiòn, bòli, marche da bòlo, rinòvi, spèxe legàl, ticket, notàri, bucalòsi, scominsio laòri, avocà, dirìti, concesiòn, cànoni, …….tùto diluìo inte la vìta de sto pòro càn. Sa vardèmo de sti 1200 èuri, Joanìn ghe tòca spendarghìne 200 de ìva, + tùta na sèrie de inpòste sòra mensionà, ca a podèmo coantifegàr in 300 èuri mensìli.

Joanìn de 3200 èuri, la italia, la ghe ga ciucià 2500 èuri.

A sto pòro mòna ghe rèsta pa magnàr e pagàrse i consumi enerjèteghi sòlo 700 èuri, de 3200 ca el prodùxe ògni méxe. Joanìn el se pàra ànca fàr benxìna, el crònpa 40 lìtri a 1,25 èuri. De sti schèi, la itàlia la se ciùcia 0,8 èuri ca ghèmo da moltiplegàr pa 40 lìtri ca xé conpàgno 32 èuri so na spèsa de 50 euri! La fà do òlte el méxe. Dèso ghe xè restà 600 èuri.

Na òltìma oservasiòn : i còsti de l’enerjìa, telèfoni, àcoa, rento la gàbia italia, a li xè el dòpio del rèsto del mòndo. La dixocupasiòn la déventa na benedisiòn, parchè Joanìn el ciàpa isteso 700 èuri co la difarensa ca no ghe tòca laoràr pa asàrghene 2500 a la itàlia. Sòto dominasiòn tajàna, a xè da cojòni investìr e laoràr, mejo morìr de fàme, ansi ribelarse e lotàr pa la nostra Indepandensa e libartà da l’opresiòn tajàna.

[Trato da GaxetaVeneta.com]