Da uno scambio mail interno al Minor Consejo del PNV.
Giane dise: “ciao a tuti, e grasie par tuto cueo che faxè par el PNV.”
Geremia Agnoletti
caro Giane, no son in grado de acetar i to ringrassiamenti.
Son mi ke voio eser libero, son mi ke voio darme un futuro (…. diria “cualsiasi” … parkè coi tagliani, son sicuro de non verghene), sperando de darghelo anca a me fioi, nevodi futuri e proxime 10 generathion.
Son mi ke no saria bon de liberarme da mi sol. Cuindi son mi, omo veneto, ke ringrassie tuti voaltri par laorar al me fianco. Son mi ke ringrassie el PNV, el LIFE, i Veneti, i Serenissimi, Raixe venete ke me mete intorno un grupo de omeni ke no se piega mai e i strumenti pì potenti ke existe: la me Tera, la me Xente, la me Identità, la convinsion de eser nel Giusto.
Ma ringrassie anca el singolo ke me dise “..brao, tien duro..!”. (anca se nol fa un casso).
20 ani fà go scumissia sto percorso de Libartà.
Prima jero superficiae e menefreghista.
Prima ciapavo na fraca de schei, no gavevo fameja, jero pien de gnoca, de Porsche, de tenp libero, de sport e de viaji.
I me invidiava squasi tuti (trane i miliardari co pi gnoca e Ferrari).
Ades go manco tenp, son sensa schei, me basta me femena e me fioi, laore co poca sodisfasion, e go na fraca de casini coa giustisia penae e fiscae tagliana.
… no me invidia nisun.
Prima vivee par el presente, ades sgobe par el futuro. Ke gabia sbalià tuto?
NO! Ades son forte, ades son drio costruir, ades go sodisfasion de star in mezo a xente ecesionae (anca a cualke rompib…).
Ades son drio viver la me mejo xoventù (col vantajo dei cavei grisi).
Grassie lo digo mi a cuei xoveni ke me vedo intorno e ke i xe mejo de mi.
Geremia, co fioi e futuri nevodi, Ve ringrassia Tuti. WSM
San Vendeman, Trevixo, 6 de otobre 2009
Geremia Agnoletti
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
New blog post: Grassie a cuei xoveni ke me vedo intorno e ke i xe mejo de mi http://bit.ly/PKJ8h
so veneta, anzi so padovana , gavevo un laoro come artigiana nel me paese, lavoravo ben ,fasevo camice de alta qualita’, fin che un bel di i cinesi no se ga messo a far camise pure lori , se mi fasevo na camisa par otto ,lori ea stessa camisa ea faseva par quatro cossi un bel di go sara’ bottega, e come mi tante altre persone che conosso, morae dea storia ze che adesso i cinesi fa el made in italy e mi se go voesto laorare so anda’ all’estero. so co el PNV parche’ no vojo che questo succeda anche ai nostri fioi, vojo vedarli laorare soea so terra , parche’ penso che prima lori e dopo i cinesi.
Jerry invesse mi te ringrassio parchè ” i omeni coi cavei grigi” i xe importanti pai xoveni. El xe un xugo de equilibri che fa ben: uno ga ea forsa de spendare ea barca e che altro sa tegner el timon…cussì ea barca riva lontan…
Grasie a ti Gerry ( se te me permeti de ciamarte cosi) mi non te gò mai conosudo prima de domenega, ma te ringrasio mi, parchè gò la posibiltà de laorar al progeto indipendensaal fianco de gente come ti……
W San Marco
massimo
te go conosu’ anca mi domenega , no so piu’ purtropo piu’ xovane come tanti altri par fortuna loro , ma me ritengo fortuna’ de fare sta lota al to fianco. ciao e sempre VENETO LIBERO E VIVA SAN MARCO!
Na letara magnifica, no go altre parole.