PLEBISCITO.EU | PNV. Press News Veneto

Tólto da£a Gaxetaveneta.com

La popolasiòn Vèneta la xè dividesta in chi ca dìxe ca a ghe vòrà 50 àni pa tòrse la libartà. Altri ca li pararìa otimìsti, li pàrla de 20 àni, e i pi corajòxi li parla de 10 àni. Xè asùrdo pòrse frente sto problèma in tèrmeni pesimìsteghi. El prosèso indipandentìsta el xè on prosèso rivolusionàrio ca in tùte le situasiòn (la stòria insegna) el se realìxa in tìnpi cùrti e co dinàmeghe inprevedìbili. La situasiòn la deventa ciàra sòlo coalche mèxe vànti e in sèrti càxi sòlo 1 o 2 àni vànti. La risposta vèra da dàr la dipende da le dinàmeghe internasionàl, economeghe e pì de tùto da la volontà dei militànti. El stàto italiàn el xè inte na fàxe de decadensa economego politega sensa presedénti, vardè sol racoanti bot ghe xè in vòlta e l’età mèdia de chi ca goerna (presidente 83 ani, primo mininstro 73!). Sa volemo in 5 àni semo indepandenti e ànca mànco. Le aselerasiòn verso la indepandensa le xè incredìbili e par ca sèmo propio so sto tròdo. Fèmose de le dimande sènplisi :

-Chi ca 5 ani indrìo se gavarìselo mài spetà ca el Gaxetìn el vegnése fòra co na edisiòn in Lengoa Vèneta?

-Chi ca 6 ani indrìo se gavarìselo imajinà el riconosimento de la Lengoa Vèneta?

– Chi ca 5 ani indrìo se gavarìselo mai imajinà de ver i cartòni anemà in lengoa Vèneta, de ver na discusiòn polìtega de insegnàrla so le scòle?

– Chi ca 5 ani indrìo se gavarìselo imajinà de ver milioni  emilioni de vìxite a sentenàri de sìti web in Lengoa Vèneta? Vardè youtube, la wiki, google….

Eco, dèso pensè sòl còsa altro a ne spetarà fra 5 àni! Pensé e imajinè chel ca no podì imajinàr dèso.