PLEBISCITO.EU | PNV. Press News Veneto

Tolto da GaxetaVeneta.com

A xe inportante fàrse sta dimanda. Cosa ne dalo el stàto taliàn, sa no ghe fùse el stàto taliàn ca “paga” cosa ne mancaria? E cosa gavarìsimo in pì o in mànco?
Tute le struture scolasteghe, educative (materne, axili) fin le limentari, le xe so le spale dei comuni, le funsionaria isteso sensa el stato talian. I inpiegà e struture de la scola de l’òbligo e l’oniversità le xè pagà da el stàto taliàn sòlo in parte.
Le struture militàr, le xè so la pele dei comuni, i stipendi li pàsa el stato taliàn.
I stipendi de majistrà, prefeti, parasiti vàri statali le vien pagà da el stàto.
La sanità la xè ramaj pagà da le rejòn.
In pratega sa cavasìmo el stato taliàn ne mancaria sòlo parasìti, xente inùtile, xente in oniforme e craàta drio na scrivania o ca fa le vasche so le piàse. No gavarisimo na scola scoàsa. Fin le strade se paghemo co bolo e pedaji.
La difarensa sensa la dominasion taliana, la sarìa ca gavarìsimo : manco tàse (ma de tànto), enerjìa gratis co le nostre dighe, strade gratis fa in Alemània, servìsi pi efisienti, manco parasiti, scole privà sol modelo Usa ca le funsiona e no le costa so le spale pùbleghe, sanità privà efisiente ca funsiona e no pexa so le spale pùbleghe, no ne tocaria farse derobàr da l’Inps e podarìsimo farse na pension privà co 6 olte mànco schèi e tignirse la nostra pàga triplegà! No gavarìsemo italiani inutili rento ofisi inutili, no gavarìsimo aroganti ca ne da lesion de siviltà, gninte spasio pa rufiani e racomandà. I tochi de càrta li vegnaria dòpo l’espariensa e le capasità.
Sa analixemo ogni aspeto de la dominasion taliana, a se inacorxemo ca no ne serve la italia e ansi, starisimo gran mejo sensa dominasion italiana, sarisimo pi richi, pi in salute, laorando manco e co manco parasiti. Podemo dir ànca ca vegnaria restaurà el dirito, la libartà e ogoaliansa. Spariria l’exersito da la vita sivil (goardia de finansa e caranba) e entrarìsimo fa veri protagonisti de la vìta politega e crèsita Europea.