Sabrina Tessari (D.I.VE.): "bixogna lavorar senza tante ciacoe" | PLEBISCITO.EU

Sabrina Tessari (D.I.VE.): “bixogna lavorar senza tante ciacoe”

GAXETA: Parché te sito candidà?
TESSARI: Desideremo proseguir col nostro progeto inizial che el xe nato co la me candidatura ala presidenza dea provincia de Venexia. Un projeto chel vede la necessità de indire un referendum chel domande ai cittadini veneti se i voe o no l’Independensa del Veneto.

LEXI TUTA L’INTERVISTA

GAXETA: Parché col PNV?
TESSARI: In sta situasion economica e politego-social, che mi ritegno terribile, a vedo nel Partito Nasional Veneto la unica opportunità par riuscir a cambiar in modo profondo el sistema.

GAXETA: Parché on eletor dovaria votarte?
TESSARI: Parchè a go deciso de metarme in zogo personalmente. A so stufa de votar chi promete mari e monti e no el mantien. A so stufa de chi el se mete in zogo sol par un tornaconto personal. Credo de poder meterme in zogo par el benessere del territorio e della comunità che andarò a rappresentar se elettori e elettrisi lo riterrà opportun.

GAXETA: Parché ti e no staltri candidà: in cosa sito mejo?
TESSARI: A so na persona che a credo in quel che faso, a lavoro par obiettivi, organizzando e strutturando el lavoro. A me piase far squadra, a xe importante, l’individualismo el deve essere meso a disposision de i progetti creai da gruppi de lavoro. Pi teste, meio risultati. No se trata de indipendentisti dea prima o dell’ultima ora, a se trata de lavorar senza tante ciacoe.

GAXETA: Cuali xei i programi par vincere le primarie e cuali par vincere le elesion regionali?
TESSARI: El gruppo Donne par l’Indipendensa Veneta el sta elaborando el proprio programma coinvolgendo e persone nea so realisasion. A tal proposito a stemo inviando dei questionari par capir le vere esigense del territorio Veneto. A voemo che el nostro programma el sia de interesse dea cittadinanza, chel sia concreto e fattibie. Basta coe finte promesse. Se pol realizar grandi robe con praticità, cuor, onestà e retitudine. A ve invito de vardar el nostro sito del PNV par ciapar vision de parte del programma.

———

ALE PRIMARIE VOTA SABRINA TESSARI

If you liked my post, feel free to subscribe to my rss feeds

Post meta

This entry was written by giane and posted on Novembre 17, 2009 at 1:18 pm and filed under dati e documenti, editoriali, elezioni in Veneto, primarie, temi veneti. Bookmark the permalink. Follow any comments here with the RSS feed for this post. Both comments and trackbacks are currently closed.

Share with others