Se ga parlà de recente de la posibilità de na union tra el neonato Partito dei Veneti e el pnv. Mi no vojo impegolarme so sta tematica, ca par coel ca revarda el pnv la xe determinà da el voto de el minor consejo e pì in largo a le inclinasion de tuti i soci. Personalmente considero le persone ca le fa parte del movimento IVeneti, ca el xe in sostansa la osadura de sto novo partito, dei amighi e condividemo el isteso obietivo e fine, forse diferise solo le strategie o le ga diferio intel pasà, ma far i peoci a le coestion tatiche saria da mixeri, dato ca a la fine le ga contà e le xe stà utili tute do. Difati mi son de la idea, personalisima, ca ai fini de la promosion e propaganda de el nostro mesajo, a sto punto xe mejo do liste pitosto ca ona, se le fuse tre mejo ancora. El nostro objetivo, pol parer paradosale par on partito ca el core par le elesion, no el xe ciapar el 3% par parar su on consejer, ca par carità el sarà utile, ma no indispensabile al scopo.
La me considerasion, in parte condivixa co altri, la xe ca nantri gavemo da eser pronti par orientar el Veneto intel caxo de eventi imprevisti ca i podaria se no lasarlo a la deriva. Uncò coesta la xe la nostra mision, soradetuto e pì ca altro, no coela de ciapar na certa percentual de voti.
La nostra mision deso la xe de dir, vardé, a ghe semo nantri, gavemo ste idee, sti programi, fondà so ste raxon; gavemo da dar el mesajo ca existe na opsion. Pol eser ca par deso no la tàca, ma se on doman capitase la exigensa de vardarse torno, nantri ghe saresimo, pronti.
Alora, fate ste premese, ga da eser ciaro e evidente ca el nostro scopo no el xe coel de sbètegarse su co i nostri amighi, ma el xe coel de puntar drito a la meta.
E zonto el me impegno personal a no dar contro né tacar coeli ca considero dognimodo amighi, ovèro el Partito dei Veneti.
Anca parché el nostro lavoro no el ga da eser coel de tacarse doso altri, ma de urtar le nostre idee, e visto ca ghe ne gavemo tante saria on vèro pecà e on spreco de energie no farlo.
Claudio Ghiotto
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
Mi da eletor comune che no’l fa atività połitica, sinceramente no son bon de capire el discorso che xe drio fare l’autore del post…
Se mi vedo 2-3-4-N partitini che ga la stesa idea (tra l’altro molto inpegnativa), no i me dà l’idea de esare tanto afidabiłi… de conseguensa, el progeto połitico de coesti partiti no me rixulterà tanto serio. Invese se ghe xe un partito unico, grando, forte che propone el progeto del’indipendensa, mi da eletor qualsiasi che son, tacatò pensarghe seriamente, no?
Condivido totalmente il pensiero di Claudio Ghiotto.
A Davide dico: per quale motivo la gente (compreso nel Veneto) ha votato massicciamente due partiti come Forza Italia e AN, tanto simili da essersi poi fusi (o quasi) in uno solo?
Il tuo ragionamento, se mi permetti, alla luce dell’esempio che ho appena fatto si dimostra non fondato.
In questa fase storica l’area indipendentista veneta non deve cercare per forza l’unità. Quello che conta è la testimonianza di un’idea, concreta e realizzabile, per un futuro prossimo alternativo.
E’ tempo di mettere radici, di farsi conoscere, ciascuno con le proprie peculiarità (che esistono e vanno rispettate). Se le due parti in gioco saranno capaci di rispettarsi, ne trarrà enorme vantaggio l’idea indipendentista.
Avanti così amici del PNV, siete sulla strada giusta!
Ciao Claudio… standoghe drio a ‘l to rajonamento a ghe xé un punto ke no’ l me xé ciaro.
Ti te scrivi:
>
> … nantri gavemo da eser pronti par orientar
> el Veneto intel caxo de eventi imprevisti ca i podaria
> se no lasarlo a la deriva. Uncò coesta la xe la nostra
> mision, soradetuto e pì ca altro, no coela de ciapar
> na certa percentual de voti
>
A sito propio sécuro ke ‘sti eventi inprevisti i se farà vadàre tra poco tenpo?
Mi ke so drio ciamare ‘sti eventi inprevisti xà da un fià, parké penso ke i saria el solo modo de na certa eficacia per darghe na acelerasion a l’ istansa indipendentista, a i vedo pasare in numero notevole inte i ultimi tenpi, ma me pare anca ke i venha sconti par bèn da le solite istitusion de sistema….
…. no saria invese mejo gavere un consiliere in consejo rejonale… un conjere veramente indipendentista… anca ti te ndarisi bèn… ke el faxese d csa de résonansa a le prosime ocaxion ke ‘sti eventi inprevisti rivarà???
Ciao Andrea, da on toco ca no te sento, spero de sentirte in privà nando vanti.
Mi no go la bala de véro, e no go parlà de tempi. La situasion uncò, secondo mi, la xe cambià respeto coela de do àni fa. No me và deso de far na analixi, anca parché te sa ca se me meto riscio de far on poema 🙂
Lo go dito anca mi, on consejer juta, ninte da dir, soradetuto se el xe on estremista (no el ne serve a ninte on moderà, quando i moderà i xe/sarà dexà al governo).
Inoltre me son fato la idea ca no se pol far acelerasion a la storia, se pol solo guidarla.
Ciao Claudio… Cuà tuto bèn, anca se so inpienîo de laoro. Ma, in tenpi de crixi, mèjo cusì.
Si si… se sentiremo… a go ‘vésto el pc co el microfono ke no ‘ndava pì… par fortuna i me lo ga rémeso in marcia.
Par el discorso d’ el consejere… beh, a mi me interesarîa la tó analixi de come ke te vedi le robe canvià…. par come ke la vedo mi, gavere inte i prosimi àni na prexensa indipendentista in Rejon (int’ el me mesajo el atributo “estremista” el jèra scontà… senò no ghe sarîa difarense co i autonomisti ke ghe xé stà fin deso in Consejo Rejonale) farîa na grosa difarensa par divesi fatóri… prima de tuto la sarîa na voxe ciara e istitusionale fóra da ‘l còro. Dopo el gavarîa l’ investitura (esendo consejere rejonale) de révoljerse a altre realtà indipendentiste int’ el contesto Europeo, dopo el sarîe i oci indipendentisti senpre prexenti in Consejo, e el podarîa fare un mucio de pì de cuelo ke i ga fàto i autonomisti : se lori, i xé stà boni (e bravi a gaverlo fàto) de far réconosare la Léngoa Vèneta in Rejon…. e i xé “””solo””” autonomisti… un consejere INDIPENDENTISTA s-cieto el podarîa metàre el piè su ‘l aceleratore.
E no sarîa na acelerasion “a la storia” ma na “partecipasion ativa a la storia” 🙂
Stame bèn.
Ciao.
Andrea