PANTO EL TOCA EL CUOR VENETO

I primi pasi del candidato forte del PNV, che fa tornar a tuti la voia de votar pa l’indipendensa

A semo un mucio entuxiasti, xè inutiłe scondarlo. A tuti naltri che semo inpegnai da àni inte na opara granda, sti primi dì dal’anuncio de PANTO PRESIDENTE ne gà moso le corde del cuor.

Parlavo ancuò co cualke socio del PNV e me rendevo in a conto kel gera ancora inebetìo e sognante par i pasi da gigante ke ghemo fato soło ke inte na setimana.

Deso tuti conose el PNV, anca se cualke furbeto del cuartierin (coi va Roma i inpara subito a inbroliar sti axeni) el gà tentà de metar el coercio sora deła notisia, lasando caxa cualke giornałista e sercando de scondar cueło ke no se pol scondar. Ansi, a dovemo ringrasiarli, parké cusì ła notisia ła gà fato el dopio de strada, da soła col pasaparoła.

Domenega matina, fora da mesa, o al bar, o al’edicoła no se parlava de altro: “Gheto sentìo? Gatu savùo? Gastu leto? PANTO SE CANDIDA, col PNV, el Partito Nasional Veneto. I vol l’indipendensa.”

Cualcuni dixeva: “i xe mati” e in fondo n’altro “a mi parò łi voto”, “anca mi” rispondeva n’altro.

Eco, naltri miremo proprio al Cuor Veneto e stavolta ło ghemo ciapà in pien.

Forsa ragasi, demose da far deso pa un mexe e mexo, che dovemo far saver a tuti ke stavolta no se schersa, stavolta val proprio ła pena de nar votar e de far votar tuti.

Votemo PANTO, votemo pal Cuor Veneto, votemo pa l’indipendensa.

giane

If you liked my post, feel free to subscribe to my rss feeds