Ne riva periodicamente via Facebook notissie dal Presidio Permanente No Dal Molin. I ne informa del pericolo par le falde aquifere, dei progeti de l’aeroporto a decòlo verticale, e de tanti altri ris-ci ambientali e acustici. Su staltro piato de la balansa ghe pol star anca sentimenti filo-americani, o el laoro che i ne riva coi apalti, e i posti de laoro che ne portarà.
La posission del PNV no la pol altro che esser contraria ala nova base militare mericana. Come grupo trasversale, sta posission no la se basa mia su considerasioni ambientali o pacifiste. E de sicuro la xe na presa de posission che la pol nar anca contro i interesi personali de nostri iscriti (dato che par tanti, noaltri inclusi, i laori al Dal Molin i fa la difarensa fra star casa disocupà e portar casa la pagnòta). El PNV no pol esser favorevole parché la xe stà na decision in violassion de uno dei nostri quatro principi.
No se pole far su na base militare in te na zona co alta densità abitativa sensa dimandar el parere dei citadini. No semo mia piegore da pascolo. El comune denominatore par un fronte contro la base el ga da esser el rispeto del volere dela citadinansa de Vicenza e comuni limitrofi. No pol esser mia le ragioni ambientali, geopolitiche o lavorative, che le xe ragioni che pol dividare l’opinion publica. El nemigo comune no xe mia i militari americani, che i gà come referente solo el governo italian. El nemigo a xe proprio el stato italian che ne trata come colonia da sfrutar, decidendo sensa dimandar parmesso de far su basi militari e centrali nucleari, e de espropriar terèn in nome dela “patria”.
Se no se rendemo conto de questo, e se fissemo solo su l’ambiente e su tematiche pacifiste, restaremo sempre divisi e perdenti, sucubi de na suditansa che no volemo afrontar, ma che xe ala fonte dei nostri problemi. Sventolaremo la bandiera dela pace de fronte ai cantieri del Dal Molin, savendo de perdare. E magari ora de elessioni votaremo anca PD (l’altra facia dela medaja de colonisassion). Li votaremo savendo de pèrdare, parchè in ciave centralista i tole sempre dele decisioni che no rispeta le nostre problematiche tratàndone da parco boi. Se no xe i candidati “foresti” catapultà in Veneto, a xe dei poster eletorali pietosi (quei co la drogata, el pedofilo, e la sioreta pena vegnù fora da un cinema d’autore). Magari i va ben par ciapar voti a Bologna e Roma, ma i xe na riceta par pèrdare in Veneto.
A ghe vole un fronte trasversale veneto parchè le tematiche che ne interessa (ambiente, laoro) le xe tematiche de interesse locale, e no de ideologie transnazionali. La campagna par na politica solidale lassémola ai impresari de partito italiani, parché par un eletore veneto “solidarietà” vol dir farse fregar dale scarsèle €4000 ogni ano (come spiegà qui, quo e qua, ma anca que e quu).
Se no se organizemo co un fronte politico trasversale veneto, che no xe na filiale de qualche partito italian, subiremo sempre i pezo abusi ambientali (Dal Molin, centrali nucleari), economici (dotori e maestre sensa paga, e pensioni sempre pì distanti) e culturali (veneti=padani). Mi sto fronte politico trasversale veneto lo go catà: el se ciama Partito Nasional Veneto. El bate on tasto, quelo de l’indipendenza, che par tanti el xe un tabù masa grosso. Utopia? Forse, ma mi no vedo alternative.
Filipo Dal Lago
P N V
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
Me permeto de dir ła mia cl masimo rispeto par łe poxision de tuti.
Par mi xe comunque sbajà star con una dełe do parti, quałunque ke ła sia, parkè ‘sta qua xe ła clasica contrapoxision taljana tra grupi połiteghi ke conosemo anca masa ben. Metarse contro ła baxe vołe dir star con una de sto do parti e quindi metarse in mexo a na bataja połitega taljana, con qualcheduni contro staltri.
Se vołemo esar veramente trasversałi in ‘sto momento dovemo evitar de ciapar poxision, se podarà farlo in un secondo momento, rento a na discusion połetega sołamente VENETA.
‘Sto qua xe el me contributo col me pensiero, par ulteriori riflesion.
Ciao.
beh…xe fasile dirlo se no te vivi a Vicensa e no te senti su la pele i efeti de sta politica italiana.
Mi vedo che da na banda ghe xe i taliani (Prodi; Berlusconi; cooperative rose; leghisti; LaRussa) a favore dela base.
Da staltra ghe xe na parte de veneti contrari (par ragioni ambientali e pacifiste) naltra parte de veneti indiferenti (come ti).
Mi invese digo che anca i veneti filo-americani (come mi) i dovaria star contro la base par el semplice motivo che xe sta imposta sensa interpelarne. Dopo se i ne interpela co un referendum podaria anca votar a favore se i me convinse.
Ma sta qua par mi la xe na grossa ocasion par far squadra fra tuti i veneti contro i taliani. Na causa trasversale pai veneti contro el colonizator italian.
E’ una posizione alquanto populista. Se si dovesse chiedere su tutto ai cittadini non si riuscirebbe a costruire neanche un traliccio o un’antenna per i telefonini. Anche perchè ci sarebbe sempre qualcuno pronto a soffiare sulle paure della gente com’è stato sul nucleare, com’è oggi sulle falde, sugli inceneritori, sui gassificatori ecc.
No stemo exagerar. In Svisera i fa’ cusi par tuto e no me par ke i vaga in tilt.
La svizzera è un altro Paese con un’altra cultura e storia. Tutto il mondo non è paese …
Sandro, no son mia dacordo co ti. Culturalmente no vedo ste grandi difarense fra svisari e altre popolasioni de l’arco alpin, come i veneti.
Par no parlar de storia, ke la Serenisima no la gavea gninte da invidiar ala confederasion svisera.
No semo mia drio paragonar Giaponexi e Nigeriani.
Basta vedere con i minareti … ci metti un attimo a spaventare la gente e a indurli a votare imponendo una discriminazione.
Sandro in qualunque caso, se decide il popolo è democrazia, se decide uno piu ”bravo” del popolo è dittatura.
Semplice!
Ohhh questa sui minareti ci voleva, con la conclusione “imponendo una discriminazione”.
Insomma, capiamoci, quelli arrivano come ospiti, e li pretendono di fare i cavoli loro. Peraltro i minareti non sono necessari al professare della religione, ma al contrario sono un simbolo di potere teocratico e politico, come lo sono i campanili ovviamente.
La sola differenza è che passeggiare in un paesaggio alpino rientra normale vedere un campanile affiorare tra gli alberi, perché riflette la cultura del popolo che in quella terra ci è nato e si è sviluppato.
Ben diverso è vedere tra le cime un minareto! E’ un alieno tra le alpi.
Quindi non parliamo di cose che non hanno senso, non c’è alcuna discriminazione, anzi.
E se lo ha votato il 64% della popolazione vorrà pur dire che è sentito dalla gente. E non, come dice Nicio, da qualcuno che si crede più bravo e impone la sua visione su tutti.