Rumors

Pa sgonberar el canpo da ipotexi bislake e notisie false varie, se precixa ke el PNV el tien senpre fede ala so linea politica, ke la xe xà stada ribadìa a pì riprexe, co na coerensa unica e straordinaria nel panorama politico veneto

Pertanto, se comunica ke notisie no uficiali su tratative co altri sogeti politici ke vien riportae su altre fonti, o a titolo personal, le xe prive de fondamento e sopratuto de uficialità. I xe “rumors” ke pol esar veri opur clamoroxamente tarocai. Fin deso l’ipotexi xe stada scuaxi senpre la seconda.

El PNV inte sto momento el gà riconosùo de facto a Geremia Agnoletti el conpito de esplorar posibilità de acordo co altre forse indipendentiste. L’unico mediator tra le parti ke gà l’autorixasion del Partito Nasional Veneto a portar vanti nostre proposte e a ricevar proposte da altri pertanto xe lu.

Fintantoké l’operasion de mediasion no la xe concluxa, l’apartenensa de Geremia Agnoletti al Minor Consejo del PNV xe oviamente sospexa pa evitar confliti de intaresi.

Partito Nasional Veneto

If you liked my post, feel free to subscribe to my rss feeds