PLEBISCITO.EU | PNV. Press News Veneto

Tólto da GaxetaVeneta

A se tràta de on film ca el parla de pì ròbe e ne fa pensàr. I tèmi tràtà li xè el jenosìdio, l’etnosìdio, la deportasiòn, la colonixasiòn, el sfrutamento de le risòrse, el raporto co l’anbiente e el rispeto anbientà. I militàri li vien inpiturà par chel ca li xè : senpre in serca de goèra, de conflitualità, parchè la goèra ghe dà dèi podèri straordinàri. In tènpo de goèra ogni desixiòn militàr la deventa prioritària, anca el jenosìdio.

La ràsa omàna la vien vedesta dài abitanti del pianeta Pandòra, fa na spese de ignorànti ca a se conporta fa dèi putèli. Vien tocà el consèto de global network e l’inportansa ànca de on sòl àlbaro inte la globalità de conesiòn ca i sistemi viventi li costruìse. El consèto de caèna biolojega el xè fondamentàl. El dràma de on soldà fra obedìr ai òrdeni o ribalarse ai so supariòr. El consèto de aculturasiòn, de integrasiòn e asimilasiòn li xè la bàxe de sto film. E infìn l’amòr ca no cognòse barière de spèsie. On film in sintonìa co i tìnpi, co i tinpi a ndo el sentralìxmo, le politeghe dei mega stàti, la colonixasiòn, l’etno e jenosìdio li deventa pan de ògni dì. A sèmo so l’ònda del xmantelamento dèi veci sistemi jeopoliteghi osidentàl e la framentasiòn in chele nasiòn orijinàrie, ònìe da aleànse e rèti efisienti e sénsa barière.