El prigioniero italianista el protesta parchè a xe on toco che la guardia no la vien rento co la frusta par darghe cuatro visciade. Crixi de astinensa.
El prigioniero autonomista el xe drio scorlar le bare sigando. El fà la voxe grosa parchè el vol on materaso pì comodo.
El prigioniero federalista el ga la testa fora che varda staltri prigionieri. Par lu tuti i prigionieri i gà da ver pan e acoa da magnar. No xe giusto che calcheduni el magna de pì de altri (no centra gninte co el federalismo, ma lu el dixe cusì).
El prigioniero devolutionista el xe morto da on toco, e el so cadavere el fà on tanfo che mai.
El prigioniero secesionista el gà na fratura al cranio a forsa de sbater la testa su par la mura par butarla xo.
El prigioniero indipendentista el se gà acorto che la guardia la gà otanta e pasa ani. El xe on vecio rinbatunìo che gà lasà le ciave su par la porta. Basta girare e verxare. Fora tuti i lo speta e i ghe spiega che el xe stà inprexonà ingiustamente e che el xe libaro de nar fora. Alora el verxe la porta, pasando el sveja la vecia guardia par saludarla (la xera drio ronfegar co la bava ala boca), e el và fora da sta prexon libaro e de so volontà.
Filipo Dal Lago
PNV
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
uao ke bon!
Belissima!