PLEBISCITO.EU | PNV. Press News Veneto

Publichemo sto articolo tolto da GaxetaVeneta no par far polemica, ma parchè solo co lo scambio rasionale de idee se pol rivar ale domande che ne portarà, forse, ale risposte giuste.

Publeghemo na risposta a na sèrie de ponti del scritòr Cavallin ca el crìtega l’independentixmo e propùgna ncòra utopie autonomiste, federaliste, prestandoghe la spàla a la Lega Nord ca la xè conpletamente sensa teoloji.

– Cavallin el dìxe : “Intanto PNV-PANTO è un partito che si presta ad equivoci. “

No xé vèro, el sìnbolo el xè ciàro, se dìxe sfasatamente ca se vol on stàto independente. El PNV va drìto aL pònto, no fa fa la Lega nord e tùti st’altri ca salta in mèxo a paròle fa : devoluzione, autonomia, statuto speciale, federalismo, federalismo fiscale, autodeterminazione….

-Cavallìn el dìxe : “Il PNV propone UNO STATO VENETO STACCATO DALL’ITALIA. Io ritengo che in Europa, in questo momento storico, cinquantacinque milioni di italiani contano di più….”

La demonstrasiòn ca on stàto de pochi milioni el conta proporsionalmente de pì lo podemo capir dài vèti ca la Irlanda la ga metesto e da le pugnete ca la Dinamarca la fa soi diriti omàni….. La verità la xé ca on stàto sovràn picenìn el ga pi fòrsa de on gràndo. I sitadìni de on stàto picenìn li conta de pì in Europa. L’Europa la xè na federasiòn de stàti, e i Vèneti sòto dominasion taliani li conta manco de Cavallin rento la Lega.

-Cavallin el dìxe : “Lo stato Veneto corrisponde all’attuale regione Vèneto ciò è antistorico ed anticulturale perché lo Stato veneto storico va dall’Alto Adige a tutto l’est Adriatico”

Pa prìma ròba gnisòn ga mài proponesto na màpa rejonàl fa stàto. Segono : ghe xè on laòro e contati pa costruìr na Venesia stàto ca la ingrumarà in mòdo federàl chi ca vol : Friuli, Bresiàn, Bergamàsco. Dognimòdo se xè al scominsio e pian pianelo se fa strada a chela ca la podarìa èsar na vera federasion e no la Padania! Da on pònto de vìsta lengoistego inte el Vèneto ghe xé na serta oniformità e interconprensiòn e se pol dìr ca el xè el còre de la Venesia. Sa volemo èsar storegamente coerenti : che càso gàlo de stòrego el stàto taliàn? e la padania?

-Cavallin el dìxe : ” Volere uno Stato del solo Veneto significherebbe una divisione definitiva del Veneto dagli altri Veneti…..”

Intanto el PNV el propùgna na Venesia stàto inte na Europa sensa confìni e pa sta raxòn problèmi de comunegasiòn e mobilità no li se pòn. La Slovenja la xè on exènpio. Segono : i Vèneti rento la rejòn aministratìva Friuli li gavarà el dirìto de sernìr par lòri. De segùro sòto la italia no li ga mai podesto sernìr e mànco ncòra sòto la padania.

-Cavallin el dìxe : “Come mai non sono mai stato contestato prima ma solo in occasione delle elezioni?

A xè òra de vedar chi ca xè sul sèrio Independentista e chi ca sòto sòto ghe fa còmodo servìr altre ideolojìe italiote o leghiste. El PNV el ga obligà na fràca de Venetisti a vegner fòra da sòto la vesta de ipocrixìa. A xè òra de molarla de xugàr in mòdo anbìguo. Chi ca vol l’italia lo dìga e la mòle torne pal da drìo! Ghe ne ghemo inpienà i àmoli de xènte ca se spàcia pa independentista e dòpo sòto sòto la xùga spòrco pa servìr ròma o Milàn. Parlemose ciàro e molemoghela de contarse balòte o far i rufiani.

-Cavallin el dìxe : ” Nel programma non viene spiegato quale forma di
Stato e di Governo tale partito abbia in mente …..”

Inte na Venesia lìbara da el stàto taliàn ghe sarà spàsio par tùti fa le democrasie sèrie d’Europa, sensa militari (caranba e forse masoneghe) ca fa politega o controla el rejime. Italia = Turchia, pa chi ca no lo ghese gnancora capìo. Padania a xè conpagno, par chi ca no lo savése, la Lega la ga infenocià mejari de injenui sparagnadòri.

-Cavallin el dìxe : “dell’intolleranza, della violenza verbale, delle offese contro chi la pensasse diversamente come stanno dimostrando in questi giorni gli attivisti?…..fascisti, nazisti….

A na crìtega contundente ca la disàcra el vècio, se argomenta sensa argomentasiòn e se rèsita la parte de la vìtima fa on putelo ca el se mète piànxare co el sa de no ver pi scuxe. On òmo ca no el xe bon sostegner dialetegamente na poxision el ga do difèti : el sèrve calchedòn opùr el xè rivà al so lìmite.

La redasion de la Gaxèta la crede e la ga argominti sèri pa sostegner ca fasixmo e naxismo li xè trati tìpeghi de la ideolojìa padana e italiana. Pa capìrlo dimandemose sòlo par còsa l’exersito (caranba e goardia de finansa) li fa da polisia.