PLEBISCITO.EU | PNV. Press News Veneto

di Gianluca Panto

Ancuò matina verdho a strasa e cosa me cato in prima pazena?
Ca el PDL no se riusesto presentar e carte in Lasio e la Polverini resta a pìe.
Ma come xè posibie? I xè purpio coatro mone a ne vegnaria da dir.

Podopo ghe penso puito, no li xè singani, li xè tajiani.
Veci, straki, burocrati, presapochisti, topi de palaso.

Parafrasando i pitura freska me vedo sto mona ca riva in corte con na serie de documenti vitali pal so partito e pai so eletori, buta xò do carte e dopo va fora a magnarse on panin parkè no gà voia de spetar in coa co staltri rivà prima de elo.
Me so sogna sta scena:
Riva el jiudice jiustamente incasà cal domanda : ” de chi xeli sti strafanti ?” “I xè ndai via..” dixe nantro.
Bon, elora deso vardemo puito, tuto sbajià,manca coesto manca coeo.
Canseliriele ! Ciamelo el meco, andò xelo ndà ? Pasa na ora pasa nantra, sto chi no se vede. Elora ciamèlo a cel, Gnente : lista bocià.
E par forsa, ghe xè procedure de lejie gualive par tuti. Miga poseli far diverso.
E staltro intanto ca se magna el paneto fora al bar.
O forse el jiera scanpà parkè al ultimo el gheva catà on ” de cuius” inte’a lista.
Bah !
Penso a noialtri, al lavoro dei toxati e dele toxe, ala meticolisità de controlar un par un tuti i sertifegà eletoral.
Noti intiere pasà e sernir coei de Cioxa, con nome cognome dito e data de nasita, pa esar seguri de no confonderli e pa no desmisiarli. (ocio se ciama tuti conpagni).
Tornar i comune domandarghe come mai ghe xè do nomi gualivi steso dito e stesa data de nasita ma el num. del sertifegà el xè diverso.
El sopraluogo el zorno prima vanti tuiti i tribunai, foto dela via del uficio, sgrafo co piantina : I piano, seconda porta a sx.
Domandarghe al canselier tute le carte che serve, come le gà vegneste autenticà, se basta el fax pa sta roba, se cogna portarghela, chi gà titolo de presentarse, che documento serve ( no la patente nova ) etc.
Presentarse medha ora prima dela apertura vanti la porta, prima dei padani, ca li riva
suà e li verdhe i oci increduli coando ca li se ga cata nantro prima de lori.

Insoma ” la qualità che deriva dalla tenacia dal duro lavoro” coesta xè la carateristega dei veneti, senpre. E senpre tre pasi vanti, senpre inovazsion, senpre precision.
Ga poco Berlusconi da lamentarse.
Se i so omeni xè incapaci che ghe fasa far on corso de ripetision.
La cultura vien da ver leto e livro e sudà stando sentà ore e ore.
El saver far no se inprovisa.
Elo gà dito ca xè tuta burocrasia e se gà rivolto al Quirinal.
A ne intaresa bastansa poco del Lasio, però me vien da dir che no vae, masa comodo!