Nova ca spaca: dixastro del Golfo, el petrojo no se ferma

petrojo ca sgorga dal video in direta da 1500 mt soto el mar

29 Majo, 2010 h20:30 CEST – da VeNETvision recevemo e ripioveghemo

= Nova ca spaca – Breaking news =

La procedura ciamà “top kill” pare ca no la staga funsionando, e petrojo se vede sgorgar da el buxo sora el BOP, dopo ca par ore xe vegnesto fora paltan ca el xera stà injetà.
Esperti i dixe ca el paltan no xe bastansa pexante e vien spuà fora da la enorme presion ca riva da soto e urtà su petrojo e gas.
Coesto se fonda so le oservasion fate da la vista in direta de el video da la “spillcam” (da camera [cam] e svojamento [spill] – on soranome dà ala telecamera ca la riprende in direta da 1500 mt de profondità la fala da ndo vien fora el ojo), ma no ghe xe informasion oficiali.
Tuti xe ancora co el fià par aria parché da BP no ghe xe ancora alcuna dichiarasion oficial, e on comunicato el se limita laconicamente a dir ca i xe drio procedar co el lavoro de “top kill”.

El dixastro ecologico el taca ver proporsion enormi. No solo xe vegnesto fora ca i conti xera sotostimà (se xe pasà da on minimo de 5000 a on minimo de 12/19000 barili al dì) ma anca el ga dexà superà el pì gran dixastro fin deso capità co la Exxon Valdez in Alaska.

Varda anca la nova: On Uragan sora na pocia de petrolio?

Adriano