PLEBISCITO.EU | PNV. Press News Veneto

Tolto da Venet.net

Le elesion belghe de domenega le ga porta’ na vitoria inaspeta’ par on separatista fiamingo.Le elesion belghe de domenega le ga porta’ na vitoria inaspeta’ par on separatista fiamingo.El rixulta’ el lasa l’existensa del Belgio come nasion – e el so gran debito piovego – in sospexo.

Bart De Wever, on on centrista belga de lengoa fiaminga che’l spera che el so paexe el “evapore gradualmente,” el ga vinto na vitoria neta ieri. I analisti i dixe che l’Europa la podaria oservar on treno in colixion al ralentator par la fragile unita’ politega belga – e na lesion pi granda su l’avento de l’estremo o del marginale nte la politega europea.Le elesioni sorprexa de domenega le evidensia le difarense smarse de lengoa e identita’ in Belgio. El nord el xe caxa de benestanti conservatori de parlata olandexe (fiaminga), na region ciama’ Le Fiandre. El sud a xe para’ vanti da parlanti francexi socialisti e economicamente manco robusti, na region ciama’ Valonia.

Cosa xe che sucede deso? El sior De Wever, che ga vinto 27 careghe co on programa de ministrar lentamente le Fiandre fora dal paexe – el entrara’ in tratative longhe e conplese par formar on novo governo co Elio Di Rupo dei Socialisti Francexi, che ga vinto 26 careghe corendo co na canpagna baxa’ su la spexa eleva’.

I separatisti del Novo Partito Fiaminga de De Wever, che no i xe xenofobici o de estrema destra, i xe cresui da sie careghe ntel 2007 a vinser sonoramente ieri in elesioni che le xugava de pi su le difarense sociali belghe che su le presanti problematiche economiche in on paexe che ga el terso debito pi alto in Europa, dopo la Grecia e l’Italia.“I partiti tradisionali europei no i xe mia drio adatarse puito ai canbiamenti sociali… e ghe xe dela volatilita’ in volta,” el dixe Mike Beke del Center for European Policy Studies a Bruxelles. “CO che la xente la xe straca del status quo i se fa sentir…

A xe pitosto notevole durante on periodo de crixi economega, co grandi taji da considerar, che l’economia no la xera na priorita’ co sto voto.”La elesion de on separatista fiamingo la vien mexi dopo che l’Europa la ga finalmente aceta’ on trata’ de unita’ che include on presidente de l’Union Europea e on ministro dei foresti e dele istitusioni dela UE baxa’ a Bruxelles. El Belgio a xera on modelo de armonia federativa. Ma non pi.Domenega el voto belga el xe darente a l’elesion olandexe de Geert Wilders, on estremista olandexe anti Islam e anti imigrasion, che xe a cao del terso partito politego pi forte in Olanda. Ma De Wever, al contrario de Wilders, a xe avidamente pro Europa.“CUel ca xe in comune fra Wilders e De Wever a xe che tuti do i xe vegnu’ fora dal gninte in te on periodo sorprendentemente breve,” el dixe el sior Beke.

De Wever probabilmente no sara’ mia el Primo MinistroSe De Wever el vol governar a xe nantra cuestion. El podaria lasarghe el posto de primo ministro al sior Di Rupo, che lo lasaria libaro de “devolar” i poteri federali de giustisia, sanita’, e spexa sociale fra Fiandre e Valonia.

De Wever el ga modula’ el so mesagio separatista durante la canpagna, scominsiando co on forte riciamo a separarse, ma finendo la setimana pasa’ dixendo, “No volemo mia na rivolusion… No volemo mia dichiarar le Fiandre indipendenti inte na note. Ma credemo inte na evolusion gradual.

”After l’elesion el ga dito che esar primo ministro no xe inportante come velocixar la cauxa de l’autonomia fiaminga. “El laoro de primo ministro par mi no xe mia inportante, la ciave la xe de catar n’acordo. Se serve pai francofoni de credarne, a so contento de far chel sacrificio,” el ga dito a na fola de giornalisti.Le tensioni belghe le se ga da lungo incentra’ so la lengoa, ma le xe drio slargarse a atitudini e spexa sociali. Le lengoe olandexe e francexe le xe separa’ in nord e sud su tuto dale targhe dele auto, ale scole, ale boteghe e la segnaletica, ai eventi pioveghi. I partiti politici no i xe mia nasionali, ma fiaminghi o valoni, e el nord e el sud i vota separatamente; el voto de ieri el xera praticamente do elesioni par on governo.I valoni i pol iritar i fiaminghi par credar che el Belgio a xe de proprieta’ storicamente de costrusion francexe, data na storia de 180 ani domina’ da parlanti francexi. Al momento i fiaminghi pi benestanti i xe drio iritarse par via del susidio ala asistensa sociale pa’l sud, che ga la pi gran dixocupasion e i liveli de redito pi basi.A ghe xe 6.5 milioni de parlanti olandexi, 4 milioni de parlanti francexi, e na minoransa de parlanti todeschi ntel stato.

Jean-Michel de Waele, on siensia’ politego ala Free University de Bruxelles, el dixe “estremisti da tute do le bande” i xe responsabili par la creasion de sta divixion politega.I francexi i ciapara’ i valoniDei sondagi recenti in Francia i mostra che do su tre menbri del publico francexe i saria dacordo de asorbir la Valonia come parte dela Francia. Intanto, on sondagio recente ntele Fiandre dal grupo mediatego lusenburghexe RTL el ga cata’ che el 32 percento el vol l’indipendensa imediatamente, e el 25 percento el vol pi gran autonomia in Belgio.

El ministro francexe par l’Europa Pierre Lellouche el ga dito che dopo el voto el sperava che el Belgio no’l se dividese sora righe lengoisteghe, e el ga dopara’ l’exenpio dei parlandi francexi del Quebec in Canada come modelo. “Xelo sta pasa’ el punto de no ritorno? No credo mia, no spero mia,” el sior Lellouche el ga dito ala radio francexe. “tuti i ga bixogno del Belgio unifega’, anca se regioni separa’ le se aserise.”