Musi

Co a son ndà in viajo de noze a le Hawai’i, ghe n’ho profità par cronparme là el iPad. Difati go sparagnà 100€; mia poco, eh? Un ponto de forsa de l’iPad l’è lezar i ebook. No te fadiga mia la vista fà lezar so un monitor de computer e verghe la posibilità de catar e verghe in do minuti tuti i libri che te vol (tuti drento sto dispositivo) par mi l’è el paradiso e na rivolusion che da ki a calche ano la canviarà el nostro modo de raportarse ai libri.

Dato che par iPad el jera gratis, a me son scargà un fraxario con 25 lengoe che’l pol esar utile co se va in volta pa’l mondo. Tra le lengoe l’inglese, francexe, ruso, todesco, greco, spagnolo etc etc e…catalano. Orcocan! Catalano! Gavì capìo sti catalani? No i’è oncora un stato ma i sa ben de esar na nasion e i’è cusita avanti che riese anca a verghe na dignità internasional tanto che la so lengoa la vien mesa inte un fraxario ebook. Eco, apunto: dignità. Mi a me rendo conto che in politega dirghe su a i potensiali eletori l’è darse la sapa intei piè ma farghe sbater el muxo contro la verità el pol esar na cura contro sto clima de rincojonimento. Cioè anca mi a son convinto che par deso coeo che ne manca l’è la materia prima, cioè veneti che i ga voja de molarghela co sto stato italico par paura, ignavia, ignoransa. I catalani in sto ultimo periodo (ki e ki) i fa le sciantixe e i’è instradà verso l’indipendensa. Nialtri inveze semo oncora impantanà inte le promese de “federalismo solidale”, “autonomia demaniale” e altre putanade insulse. Tuti drio spetar el salvator de la patria, el tipo che da l’alto a ne salva. Musi! Semo musi. Me par pì che giusto che el catalano el gavia un posto inte un fraxario de lengoe mentre el veneto el vien considerà “una forma dialettale dell’italiano” anca se l’è la lengoa de tuti i dì de milioni de persone intel anbito de laoro, ricreativo, de fameja. Sto ki l’è el specio de la situasion veneta: semo deventà italici parché semo cusita musi da no svejarse fora.

Podopo, na roba che la me fa rabia l’è vedar tuti sti comentatori o senplici citadini italici e italo-veneti che i varda co sinpatia al projeto independentista catalano e se te ghe fe notar che, insoma, podarìa ndar ben anca pa’l Veneto i te varda co i oci sbalinà e i te dixe “no, no, là è diverso”. Sì che l’è diverso: là i ga dignità, qua semo musi. Muso ti che te lexi e muso mi che oncora ghe vo drio. Musi! Svejeve fora. De cosa gavì bixogna par incorzarve che semo deventà na barzeleta?

Sì, le colpe le i’è senpre individuali e anca nialtri fà Pnv gavaremo le nostre colpe. No saremo sta niancora boni de far pasar el mesajo, de sfondar el muro de difidensa. Magari i ne scanbia par partiti che no semo, magari i ne clasifiga cofà i xenofobi, pasatisti. Magari gavemo da educar le persone a la libartà, gavemo da spiegar mejo che se pol far, gavemo da spiegar mejo che un stato veneto indipendente l’è uguale a n’apertura al mondo e a na richesa inteletual e material che deso drento sto contenidor cadaverico italico nianca se sognemo. Sì, de securo gavemo da laorar tanto. Però…però mi digo che me vardo in giro e a vedo tanti, ma tanti, macachi che i speta no i sa nianca luri cosa. I speta e i spera e i se mete inte le man dei soliti sbuxiari che i’è vinti e pasa ani che i ciacola: musi!

Sarà parché a son relativamente ancora xovano ma par deso no molo. Faso mio el moto de Mises tolto da un verso de Virgilio: tu ne cede malis sed contra audentior ito (no star a molar al male ma daghe contro ancora pì testardo) e seitarò a dirve che a si dei gran musi.

Luca Schenato
Pnv Verona

In italiano:

Quando sono andato in viaggio di nozze alle Hawai’i ne ho approfittato per comperarmi là l’iPad. Infatti ho risparmiato 100€; non è poco, eh? Un punto di forza dell’iPad è leggere gli ebook. Non ti affatica la vista come leggere su un monitor di computer e avere la possibilità di trovare e avere in due minuti tutti i libri che vuoi (tutti dentro questo dispositivo) per me è il paradiso e una rivoluzione che da qui a qualche anno cambierà il nostro modo di rapportarci ai libri.

Dato che per iPad era gratis, mi sono scaricato un frasario con 25 lingue che può essere utile quando si gira il mondo. Tra le lingue l’inglese, feancese, russo, tedesco, greco, spagnolo, etc etc…e catalano. Accidenti! Catalano! Avete capito questi catalani? Non sono ancora uno stato ma sanno bene di essere una nazione e sono così avanti che riescono anche ad avere una dignità internazionale tanto che la loro lingua viene inserita in un frasario ebook. Ecco, appunto: dignità. Io mi rendo conto che in politica insultare potenziali elettori è darsi la zappa sui piedi ma far sbattere il muso contro la verità può essere una cura contro questo clima di rincoglionimento. Cioè, anche io sono convinto che per adesso quello che ci manca è la materia prima, cioè veneti che hanno voglia di finirla con questo stato italico per paura, ignavia, ignoranza. I catalani in questo ultimo periodo (qui e qui) fanno scintille e sono instradati verso l’indipendenza. Noi invece siamo ancora impantanati in promesse di “federalismo solidale”, “autonomia demaniale” e altre puttanate insulse. Tutti ad aspettare il salvatore della patria, il tipo che dall’alto ci salvi. Asini! Siamo asini. Mi sembra più che giusto che il catalano abbia un posto in un frasario di lingue mentre il veneto venga considerato “una forma dialettale dell’italiano”, anche se è la lingua quotidiana di milioni di persone in ambito lavorativo, ricreativo, familiare. Questo è lo specchio della situazione veneta: siamo diventati italici perché siamo così asini da non svegliarci fuori.

Inoltre, una cosa che mi fa rabbia è vedere tutti questi commentatori o semplici cittadini italici e italo-veneti che guardano con simpatia al progetto indipendentista catalano e se fai loro notare che, insomma, potrebbe andare bene anche per il Veneto ti guardano con gli occhi sbarrati e ti dicono “no, no, là è diverso”. Sì che è diverso: là hanno dignità, qua siamo asini. Asino tu che leggi e asino io che ancora ci vado dietro. Asini! Svegliatevi. Di cosa avete bisogno ancora per accorgervi che siamo una barzelletta?

Sì, le colpe sono sempre individuali e anche noi come Pnv avremo le nostre colpe. Non saremo stati ancora capaci di far passare il messaggio, di sfondare il muro di diffidenza. Magari ci scambiano per partiti che non siamo, magari ci classificano come i xenofobi, passatisti. Magari dobbiamo educare le persone alla libertà, dobbiamo spiegare meglio che si può fare, dobbiamo spiegare meglio che uno stato veneto indipendente è uguale a un’apertura al mondo e a una ricchezza intellettuale e materiale che adesso dentro questo contenitore cadaverico italico nemmeno ci sogniamo. Sì, di sicuro abbiamo da lavorare tanto. Però…però io dico che mi guardo in giro e vedo tanti, ma tanti, sciocchi che aspettano non sanno nemmeno loro cosa. Aspettano e sperano e si mettono nelle mani dei soliti bugiardi che sono venti e passa anni che parlano: asini!

Sarà perché sono relativamente ancora giovane ma per adesso non mollo. Faccio mio il motto di Mises preso da un verso di Virgilio: tu ne cede malis sed contra audentior ito (non cedere al male ma affrontalo ancora più caparbiamente) e continuerò a dirvi che siete dei grandi asini.

If you liked my post, feel free to subscribe to my rss feeds

Money Making Options

Monetise your blog with text ads

Post meta

This entry was written by Luca and posted on Luglio 15, 2010 at 4:23 pm and filed under editoriali, tristese. Bookmark the permalink. Follow any comments here with the RSS feed for this post. Both comments and trackbacks are currently closed.

Share with others