PLEBISCITO.EU | PNV. Press News Veneto

Ricevemo e volentiera pioveghemo.

In sti dì in cui ła fogna połitica tałiana ła verxe un fià el so tapo e ła łasa intuir a tuti de cuanto oribiłe chel xe sto stato marso, a vołemo ndar vedar come uno dei so esponenti prinsipałi el sia in realtà un buratin in man ai servisi segreti tałiani.
El sospeto el ghe xè vegnùo a pì de cualcuni in pasà, ma naltri a ghemo in man łe prove e łe publicaremo co sarà el momento bon pa tirar xò tuto el baracon chel gà el conpito precixo de robarne i nostri schei, de tegnerne nel’ignoransa del nostro esar veneti e de deprimar el nostro senso patrio che ne gà permeso de crear un inpero che gà durà de pì che cueło de Roma antica.
I veci militanti deła Łiga Veneta i se ricorda ben co che rivava ai comisi sto esere insignificante, gnanca bon de parlar. Gera el periodo in cui ła Łiga ła gera vegnùa fora dałe cataconbe democristiane e coła sorprexa de tuti, ałe elesion połitiche del 1983 ła gavea ciapà el 13%, faxendo tremar i pałasi del poter.
Ła prima reasion dei tałiani ła xe stada cueła de infiltrar ła Łiga da rento e cuà i ghe xè riusii ben e in presia, parché ła cultura połitica veneta ła gera ancora imatura e no ła gavea parecià i anticorpi pa reagir al’ataco sporco dei tałiani.
Ła seconda mosa del stato tałian ladro a chel ponto ła gera obligada: dopo ver divixo ła Łiga co barufe cioxote alimentae a arte da agenti infiltrai (che tra l’altro i gira ancora nel mondo venetista, ma che stavolta łi tegnemo ben de ocio pa tajarghe e sate co sarà ora), bixognava controłar el grupo dirigente pì forte che restava. Ma come far, dopo che i infiltrai i gera stai sgamai e el novo grupo el gavea sarà łe porte a novi ingresi sospeti?
Eco che i tałiani i gà architetà na sołusion che in realtà i conoseva ben, parché ła gavea xà funsionà pì de un secoło prima, co i gera riusii a intrufołarse da rento ai vari stati preunitari.
I gà donca inocuła dal’esterno un virus, un agente de controło, un omo fidà, che nol podeva esar veneto, parché el sarìa sta masa pericołoxo.
Sto omo ki se ciamava Umberto Bossi, un spiantà sensa arte né parte, un pajaso chel se gera diplomà perito eletronego pa corispondensa ała Scola Radio Eletra, che dopo nol xe ta gnanca bon de laurearse e che parò el se gavea inventà ben do feste de laurea false.
El gera uno xà ben tamixà dai servisi segreti, che i lo gavea doparà come infiltrà pa controłar el movimento studentesco e anbientałista, parandoło anca rento el partito comunista.
Al’inisio dei àni setanta, sensa gnanca un lavoro pa mantegnerse, el gà miłità, uno drìo man chealtro, inte’l grupo comunista de “il manifesto”, inte’l partito de estrema sinistra PdUP, inte’l’Arci e inte i movimenti anbientalisti, fin apunto a iscrivarse proprio inte’l PCI nel 1975.
Dopo cualche àno in cui el sparise dała siena połitica el vien fora da novo ała fine dei àni ’70, ciapando el testimone del’autonomixmo da Bruno Salvadori leader del’Union Valdôtaine, morto nel’80 pa el sołito “strano incidente stradal”. A chel ponto el move un fià ła połenta del’autonomixmo lonbardo, sensa grosi rixultati. Finchè apunto el scumisia e frecuentar ła Łiga Veneta, che invese ła gavea scumisià a ciapar voti.
I giornai stranamente i ghe dà spasio, anca se no’l gera gnisun. E ki se ricołeghemo coi fati de cui parlavimo al’inisio. Sto becamorto, timido e che gnanca el gera bon de parlar, el rivava coi comisi deła Łiga i gera xà finii e el dì dopo i giornai i parlava del comisio de sto Umberto Bossi.
Un fià ała volta sto personagio el se guadagna łe sinpatie dei veneti, che i xè senpre pronti a darghe fiducia. E anca i so schei, visto che i ghe inpresta 50 milioni de lire ała neonata Lega Lonbarda. El resto ło fa el stato, dandoghe un mucio de spasio sui giornai e iutandoło a ciapar voti e a superar ła Łiga Veneta. A chel ponto el xogo el gera scuaxi fato, conpletà coła fuxion prima in Aleansa Nord e donca coła Lega Nord ała fine dei àni 80. Nord de l’Italia, se cualcuni el gavea dubi.
Sto omo insignificante el xè cusì inportante pai servisi segreti tałiani che anca co ghe vien un sciopon pa eceso de viagra durante na ciavada co l’atriceta Luisa Corna, i tien ła Lega Nord in congełator sensa leadership połitica, pa un àno e mexo, finchè i riese a rimetarlo in piè, anca sel resta un fià fulminà.
E rivemo ai dì nostri, in cui sto pajaso połitico sensa arte né parte, gnanca bon de parlar, ignorante come na cavara, el tien in man el destin de un stato-fogna chel gà de bixogno de lu come del’unico antidoto posibiłe contro l’indipendentixmo che monta nełe nasion che se sta sbaucando fora, a scumisiar dała Venetia, dała Sardinia, dała Sicilia e via via tute chełe altre che łe se libararà dal dominio del parasitixmo połitico ladron.
Eco parchè l’indipendensa del Veneto ła pasa par ła distrusion deła Lega Nord e del so paron, Umberto Bossi, al servisio dei tałiani.
Binbari deła Buxa