sinbologia nasionalista

Tólto da VenetoStato.com

Gavemo senpre pi conferme che semo drio nar par la strada bona. El presidente de ITA no perde ocaxion par exaltar l’unita’ de ITA. Gnoranti taliani i sporchisa su i nostri monumenti co scrite italianiste. De recente el PD, el partito dele cauxe perdenti, i xe deventa’ fanatici del tricolor, pexo dei alpini. Siaresina so la torta: ieri in consejo provinciale de Venesia, na aleansa italianista trasversale fra PD e PDL i ga pasa’ na delirante votasion dal titolo “L’inno di Mameli è inno d’Italia” inponendo de sonar l’ino de ITA a ogni manifestasion publica dela Provincia.

Sto fervore nasionalista italico el xe la risposta perdente dei italo-veneti al nasionalismo sureale patano-veneto che che contrataca co le so bandiere verdi e el so ino de Verdi. Tuto cuesto el ga on acido saor otocentesco. Se catemo co na clase politega che la vive rento i veci conceti de nasioni stato del pasa’. Co sta xente no gavaremo futuro, parche’ no la xe gnanca bona de vardar al nostro pasa’. Ricordemose che durante la Republica Veneta no ghe xera ini nasionali ne bandiere nasionali uficiali (la Serenisima ne gaveva pi de una).

Cavemose sti Stanlio-patano e Olio-taliano de doso.

Veneto Stato

If you liked my post, feel free to subscribe to my rss feeds