PLEBISCITO.EU | PNV. Press News Veneto

El Sotoportego dela Bissa, in Campo San Bortolomio, xe uno dei pasagi pi trafega’ de Venesia che porta da Rialto verso San Lio e poi San Marco. Sto pomerigio son pasa’ proprio par de li, in mexo a na calca de turisti, e me son ferma’ proprio li soto par tor on gelato par me fiolo de 5 ani.

Pochi minuti dopo xe casca’ groste de intonaco grose come piere da on tipico edificio venesian che da pochi di vedemo adoba’ de tricolori che i sventola. Tricolori che, par chi che no lo savese, i xe sta distribuii gratis dal stato talian (e le so apendici aministrative – in sto caxo la Provincia di Venezia capitana’ da na aministrasion leghista). I xe sta distribuii da on stato e na aminsitrasion provinciale leghista  che da priorita’ a l’indotrinamento nasionalista talian che ala sicuresa citadina nte la cita’ pi vixita’ del mondo. Scuxeme el sfogo ma capire’ che ghe xero pena pasa’ co me fiolo, e come tuti i veneti ne gavemo bastansa de on stato che, no solo no ne lasa i schei in scarsela par sistemarse da nostra posta le robe, ma che se dimostra incapace de aministrar parche’ preferise cronpar bandierete da picar su pai muri che far anca picoli ma vitali laori de manutension come darghe na man de bianco.

Lodovico Pizzati – Veneto Stato