PLEBISCITO.EU | PNV. Press News Veneto

Le leji evolusioniste le ne dìxe ca le forme vinsenti de vìta le tende a l’eficiensa enerjetega co la màsima produsiòn a costi enerjeteghi pì bàsi. Sta règola, a la longa la xé la vinsente. Na anàlixi de micro economia enerjetega la ne fa capir ca inte el stàto taliàn a exìste on fator inibitor a sta leje: la corusiòn de tuta la clàse politega e militàr taliàna ca la ciàpa le masete pa infenociàr al pòpolo la pexo  e pi inefisiente forma de enerjìa. I documinti de wikileaks: “…Berlusconi and his cronies are profiting personally and handsomely from many of the energy deals between Italy and Russia. The Georgian ambassador in Rome has told us that the GOG believes Putin has promised Berlusconi a percentage of profits from any pipelines developed by Gazprom in coordination with ENI” (http://wikileaks.ch/cable/2009/01/09ROME97.html).E deso vardemo a l’ato pràtego cosa ca vol dìr.Tolì 2 litri de àcoa, portela a 99 gradi doparando prima el fornelo a gas metàn, e dòpo el microònde. L’esperimento ve dà sto rixultà: Con on fornelo da 1000 watt a microonde se ghe mete 4 minuti broàr 1 litro de acoa e se consuma la belesa de  0.066 kw, co el fornelo a gas se ghe mete 30 minuti e se consuma la belesa enerjetega de 1 kw! Dìto in termeni gasosi, scaldar 2 litri de acoa se consuma 0.1 mc de gas metàn. In pràtega el rixultà de sto espiriminto el ne dìxe ca col gas se ghe mete 8 olte pi tenpo e se consuma 15 olte pì enerjìa! A schei, considarà ca 1 mc de gas el ga on poder enerjetego de 11 kw e vien costar sirca el dòpio de 1 kw de corente eletrega, vien normàl ca costa manco doparàr el microònde. No parlemo pò del costo infrastruturàl de portar el gas rispeto a la corente, de el perigolo de ver el gas e de la no rinovabilità del gas metàn, de la dipendensa enerjetega.La dimanda la xé: “Ma porco kan, par còsa tuta la clàse politega e militàr taliàna la xé drio construir gasdoti, far acordi co Rusi e Lìbia pa cronpàr el gàs? Par còsa ndemoli contro el resto d’Europa e la naturàl tendensa evolusionistega, ecolojega, economega? La risposta la xé inecoivacàbile:TUTA LA CLASE POLITEGA E MILITAR TALIÀNA LA CIAPA LE MASETE PA OGNI M3 DE GAS CA I NE INFENOCIA (wikileaks dìxe la verità).

Raffaele Serafini
Veneto Stato – Marostega