Tremonti e Zaia: gnente schei ai aluvionà del Veneto. Antonio Guadagnini (Veneto Stato) lo gavea xà dito el 5 de novenbre scorso.

Come xela la situasion dei fondi destinai ai aluvionà del Veneto? Ricordemo che se parla de mexo milion de veneti che el novenbre scorso i xè stai colpii dala tragedia del’aluvion che gavea creà dani enormi, calcolai aprosimativamente in almanco un miliardo de euro.
Ieri el Gaxetin publicava un articolo che spiegava come che Tremonti e Zaia i fa el clasico xogo dei busoloti, limitando in modo enorme la cuantità de schei che vegnarà dati ai aluvionà.
Ala fine le promese de Zaia le xè stae insoma promese da marinaio.
La verità la xè vegnùa fora ormai a canpagna eletorae finìa, come che gera ovio.
Ma Veneto Stato e Antonio Guadagnini i lo gavea dito fin da subito.
Ve riproponemo de seguito el video dela conferensa stanpa proprio de Guadagnini subito dopo la tragedia, col gà aderìo a Veneto Stato. Le buxìe le gà le ganbe curte e prima e dopo le vien fora!

Un motivo in pì par votar e far votar Veneto Stato.