Elio Di Rupo

Breve nota de agiornamento par chi che parla ai bancheti de altri caxi de indipendensa in Europa. El metodo fiamingo a xe sicuramente el modelo da seguir par l’indipendensa veneta, parche’ i xe sta boni dal 2001 al 2003, in do ani a far na inpenada de consensi, e a ciapar in man el totale controlo de tuti i punti ciave de l’aministrasion fiaminga (dale forse de l’ordine a l’economia). In sti ultimi do ani, chieti chieti, i gavea anca blocà la formasion de on governo centrale, e par 487 dì el Belgio a xe sta sensa governo e tuto el vegnea aministrà o nele Fiandre o in Valonia, portando de facto a do stati indipendenti.
Deso però no xe pì cusì, e sto otobre pasà el leader del partito socialista belga, Elio di Rupo, par eser sta bon de meter insieme na coalision de sie partiti par formar on governo. No gavemo idea de cuanto che durarà, ma pa’l momento no podemo pì parlare del caxo belga come on caxo de indipendensa de facto. Al socialista Di Rupo ghe ricordemo solo che on deto dela Margaret Tatcher: “El problema del socialismo a xe che prima o poi te finisi i schei de staltri”