Lo stato merican dela California el xe famoxo par via de la so democrasia direta. Basta far na racolta firme e inpor on referendum che deventa automaticamente lege sensa pasar pa’l governatore o par la legislatura statale. El caxo pi famoxo xe sta l’elesion de Schwartzenegger a governatore parché la xera partia co na racolta firme obligando on voto de sfiducia sul precedente governatore e in caxo servise l’elesion de on novo governator (che xe stà Arnold, apunto).
In sto stato de 20 milioni de abitanti basta tirar su 500mila firme par far votar diretamente i citadini su na lege. I raprexentanti politici nte l’asenblea statale no i pol far gninte e no i vien gnanca interpelà se na lege la vien aprovà tramite democrasia direta.
Tanti i se lamenta parché i dixe che i citadini i vota de inpulso sensa gnanca informarse o capir le conseguense. Par exenpio xe sta tirà su mezo milion de firme sia par proibir de alsar le tase sui imobili, sia de spender pi schei su l’istrusion. El rixultà xe on debito statale de $25 miliardi parché la zente la vota senpre par pì spexa e manco tase.
Par risanar i conti publici el governator ga fato pasar na lege in asenblea par aplicar l’IVA (che xe statale) sul ecommerce, le vendite fate online. Alora Amazon.com, che xe una dele dite pi grose al mondo par via de vendite online, la ga decixo de bypasar el governator tramite democrasia direta. I se ga meso fora dai supermarcà pagando la zente $3 par firma par inpor na lege de inisiativa popolare che vieti le’IVA su l’ecommerce.
Insoma, uno dei critici de sta inisiativa de Amazon.com el spiega che sta benedeta democrasia direta la xera sta introdota par evitar che le multinasionali le coronpese i politici par far pasar le legi che ghe faxea comodo. Ma deso le multinasionali le paga diretamente i citadini par far pasar le legi che ghe fa comodo. E l’unica maniera par oporse xe de tirar su 500mila firme e far pasar na lege contraria.
In sostansa, col fato che i citadini i pol tirar su firme par inpor dei referendum par far pasar dele legi sensa pasar pa’l governator e par l’asenblea statale, se ga creà dele bande de citadini che i se fa la goera a furia de 500mila firme a testa par pasar e sorpasar a vicenda. Sounds familiar… 😉
Lodovico Pizzati
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare